John 1:19-28
ရီနှစ်မင်္ဂလာပီးသူ ယောဟန် သက်သီပီးခြင်း
(မဿဲ ၃:၁၁၊ မာကု ၁:၆-၈၊ လုကာ ၃:၁၅-၁၆)
19ယောဟန် ပီးလီစာ သက်သီ ဖြစ်တေကား ဒေပိုင်၊ ယေရုရှလင်မြို့က ယုဒဂေါင်းဆောင်ရို့စာ ယဇ်ပုရောဟိတ် လိုင်းကေယောက်န လေဝိအမျိုးအနွယ်သား လိုင်းကေယောက်ကို ယောဟန်တို့ ရွှတ်လိုက်ကတ်လီရေ။ အရာ သူရို့စာ ယောဟန်ကို မီးကတ်လီရေ၊ “ကိုယ်ဘင် အသူပါလည်း?” 20ယောဟန်စာ ဖုံးရွှက်ရို့ မထားဘိုင်းန ပပွင့်လလင်း အဖြေပီးလီရေ၊ “ငါ ခရစ်တော် ▼▼ခရစ်တော်အဓိပ္ပါယ်ကား ထာဝရဘုရား၏ ဂတိခံထားစာ မင်းကို ခေါ်ပါရေ။
မဟုတ်။” 21ယင်းခါ သူရို့စာ ယောဟန်ကို မီးကတ်လီရေ၊ “ကိုယ်ဘင် ခရစ်တော် မဟုတ်ကေ အသူပါလည်း? ဘုရားသတင်းပို့သူ ဧလိယပါလော?” ယောဟန်စာ အဖြေပီးလီရေ၊ “ငါ ဧလိယလည်း မဟုတ်။” သူရို့စာ အရာလည်း မီးကတ်လီရေ၊ “ယင်းပိုင်ဆိုကေ ကိုယ်ဘင် ထိုကြီးမြတ်စာ ဘုရားသတင်းပို့သူပါလော?” ယောဟန်စာ အဖြေပီးလီရေ၊ “ငါ ထိုဘုရားသတင်းပို့သူလည်း မဟုတ်။” 22ယင်းခါ သူရို့စာ ယောဟန်ကို ပြောကတ်လီရေ၊ “ယင်းပိုင်ဆိုကေ ကိုယ်ဘင် အသူလည်းဆိုစာကို အကျွန်ရို့ကို ပြောပါ၊ အကြောင်းကား အကျွန်ရို့ ပြန်လားရို့ အကျွန်ရို့ကို ရွှတ်လိုက်သူရို့ဘားမာ ပြောပြရပါဖို့။ ကိုယ်ဘင် ကိုယ့်ကိုကိုယ် ဇာမှတ်ပါရေလည်းဆိုစာကို အကျွန်ရို့ကို တစ်ခေါက် ပြောပါ။” 23ဘုရားသတင်းပို့သူ ဟေရှာယ ဟောပြောခလီစာ စကားကို ယောဟန်စာ ပြောလီရေ၊“‘နင်ရို့ အသျှင်၏ လမ်းကို ပပြောင့် လုပ်ကတ်’ ဟို့
ငါ သဲကန္တာရတောပြင်မာ အော်ရို့ ပြောနီသူ စကားသံ ဖြစ်တေ။” 24ထိုလူရို့ကို ဖာရိရှဲအဖွဲ့သားရို့က ရွှတ်လိုက်လီစာ ဖြစ်တေ။ သူရို့စာ ယောဟန်ကို အရာတစ်ပြန် မီးကတ်လီရေ၊ 25“ကိုယ်ဘင် ခရစ်တော်လည်း မဟုတ်ပါ၊ ဘုရားသတင်းပို့သူ ဧလိယလည်း မဟုတ်ပါ၊ ထိုကြီးမြတ်စာ ဘုရားသတင်းပို့သူလည်း မဟုတ်ပါ။ ယင်းပိုင်ဆိုကေ ကိုယ်ဘင် ဇာဖို့ ရီနှစ်မင်္ဂလာ ပီးနီပါစာလည်း?” 26ယင်းခါ ယောဟန်စာ သူရို့ကို အဖြေပီးလီရေ၊ “ငါစာ လူရို့ကို ရီမာ ရီနှစ်မင်္ဂလာ ပီးနီရေ၊ ယေကေလည်း နင်ရို့ မသိစာ လူတစ်ယောက် နင်ရို့အထဲမာ ဟိရေ။ 27သူစာ ငါ့နောက်က ကြွလာကေလည်း ငါ့ထက် ကြီးမြတ်တေ။ ငါစာ သူ့အခြီမာစီးစာ ဖနပ်ကြိုးကို တိုင်အောင်ပင် ဖြီဖို့ မထိုက်တန်။” 28ယော်ဒန်ချောင်း ကမ်းတစ်ဖက်က ဗေသနိရွာမာ ယောဟန် ရီနှစ်မင်္ဂလာပီးစာ နေရာမာ ဒေ ဟိသမျ အကြောင်းအရာ ဖြစ်လီရေ။
Copyright information for
RmzSC