John 19:38-42
ယေရှုကို သင်္ဂြိုဟ်ခြင်း
(မဿဲ ၂၇:၅၇-၆၁၊ မာကု ၁၅:၄၂-၄၇၊ လုကာ ၂၃:၅၀-၅၆)
38ယင်းနောက် အရိမသဲမြို့သား ယောသပ်စာ အုပ်ချုပ်သူကြီးပိလတ်တို့ လားရို့ ယေရှုအကောင်တော်ကို ယူလားဖို့အတွက် အခွင့်တောင်းလီရေ။ ယောသပ်စာ ယေရှုတပည့် တစ်ယောက် ဟိလီရေ၊ ယေကေလည်း သူစာ ယုဒဂေါင်းဆောင်ရို့ကို ကြောက်တေအတွက်န ကိုယ့်ကျုံခြင်းကို လူရို့ဘားမာ ဖေါ်ပြဖို့မဝံ့လီ။ ယင်းခါ ပိလတ်စာ သူ့ကို အခွင့်ပီးလီရေ။ ယင်းအတွက်န ယောသပ်စာ လာရို့ ယေရှု အကောင်တော်ကို ယူလားခလီရေ။ 39ယင်းခါ နိကောဒန်လည်း လာလီရေ အရာ သူစာ အမွှီးနံသာပေါင်း သုံးဆယ်နသုံးသစ်လှောက်ကို ယူရို့ လာလီရေ။ နိကောဒန်စာ အယင်တစ်ခေါက် ညဉ့်မာ ယေရှုတို့ လာလီသူ ဖြစ်တေ။ 40ယောသပ်န နိကောဒန်စာ ယေရှု အကောင်တော်ကို ယူလားခကတ်လီရေ။ ယင်းနောက် သူရို့နှစ်ယောက် ယုဒလူမျိုးရို့ သင်္ဂြိုဟ်စာ ထုံးစဉ်အတိုင်း ယေရှု အကောင်တော်မာ အမွှီးနံသာပေါင်းကို လူးရို့ ခြေသားအဝတ်န ရိုက်ကတ်လီရေ။ 41ယေရှုကို ကားတိုင်မာ တင်ရို့ အသီသတ်လီစာ နေရာမာ ဥယျာဉ်တစ်ခု ဟိလီရေ။ ထိုဥယျာဉ်မာ သင်္ချိုင်းဂူ အသစ်တစ်ခု ဟိလီရေ။ ထိုသင်္ချိုင်းဂူအသစ်မာ တစ်ယောက်ကိုလည်း မထားလီသိ။ 42ယင်းနိစာ ယုဒလူမျိုးရို့မာ လွတ်မြောင့်ခြင်းပွဲအတွက် အစီစဉ်ချစာနိ ဖြစ်တေ။ ယင်းအတွက်န သူရို့စာ အပါးမာဟိစာ သင်္ချိုင်းဂူမာ ယေရှု အကောင်တော်ကို ထားကတ်လီရေ။
Copyright information for
RmzSC