John 6:16-21
ယေရှု ရီအထက်က ကြွခြင်း
(မဿဲ ၁၄:၂၂-၃၃၊ မာကု ၆:၄၅-၅၂)
16နီဝင်လာရေခါ ယေရှု တပည့်ရို့စာ ဂါလိလဲမြစ်ကမ်းနားတို့ ဆင်းကတ်လီရေ။ 17အရာ သူရို့စာ ကပေရနောင်မြို့သျှေတို့ လားဖို့အတွက် လောင်းမာ တက်ရို့ မြစ်ကို ကူးဖို့ စကတ်လီရေ။ ယင်းခါ နီဝင်ရို့ မှိုင်းလားခလီရေ၊ ယေကေလည်း ယေရှုစာ ကိုယ့်တပည့်ရို့တို့ ပြန်ရို့ မရောက်လီသိ။ 18ယင်းခါ လီအများကြီး ထရေအတွက်န ဂါလိလဲမြစ်မာ ရီလှိုင်းလုံးတိ ကြီးလာလီရေ။ 19တပည့်ရို့စာ လောင်းလှော်ရို့ သုံးလေးမိုင်လှောက် အဝီး ရောက်လားခကတ်လီရေ။ ယင်းခါ သူရို့စာ ယေရှုကို ရီအထက်က ကိုယ်ရို့တို့ ကြွလာစာကို မြင်ရကတ်လီရေ။ ယင်းအတွက်န သူရို့စာ ကောင်းကောင်း ကြောက်ကတ်လီရေ။ 20ယင်းခါ ယေရှုစာ တပည့်ရို့ကို ပြောလီရေ၊ “မကြောက်ကတ်ကေ့! ငါရာ။” 21အရာ တပည့်ရို့စာ ပျော်ရို့ ယေရှုကို လောင်းမာ တက်စီကတ်လီရေ အရာ သူရို့ လောင်းစာ လားစာနေရာတို့ ချက်ချင်း ရောက်လားခလီရေ။
Copyright information for
RmzSC