Luke 11:29-32
ဒေခိုက်မာ လူရို့ အပြစ်အတင်ခံဖို့စာ အကြောင်း
(မဿဲ ၁၂:၃၈-၄၂)
29ယင်းနောက် အရာလည်း လူအများကြီး သူ့အနားတို့ စုလာကတ်လီရေ။ ယင်းခါ သူစာ ပြောလီရေ၊ “ဒေခိုက်မာ လူရို့ ဆိုးယုတ်ကတ်တေ။ သူရို့စာ နိမိတ်လက္ခဏာကို လိုက်ရို့ ရှာနီကတ်တေ၊ ယေကေလည်း သူရို့ကို ဘုရားသတင်းပို့သူ ယောန၏ နိမိတ်လက္ခဏာကို ပယ်ရို့ အခြားနိမိတ်လက္ခဏာ တစ်ခုကိုလည်း ပြလိမည် မဟုတ်။ 30ဘုရားသတင်းပို့သူ ယောန ကိုယ်တိုင် နိနေဝေမြို့သားရို့အတွက် နိမိတ်လက္ခဏာ ဖြစ်လီရေ။ ယင်းပိုင်တထန် မနုသသားတော်လည်း ဒေခိုက်မာ လူရို့အတွက် နိမိတ်လက္ခဏာ ဖြစ်လိမည်။ 31တောင်ဖက်ပြည်က မင်းမစာ တရားစစ်ဆေးရေနိမာ ရပ်ရို့ ဒေခိုက်မာ လူရို့ကို အပြစ်တင်လိမည်၊ အကြောင်းကား သူစာ ရှောလမုန်မင်းကြီး ပြောစာ ညာဏ်ပညာစကားတိကို နားထောင်ဖို့အတွက် ကမ္ဘာအစွမ်းကနီရို့ လာလီရေ။ အရာ ကြည့်ကတ်၊ ရှောလမုန်မင်းကြီးထက်လည်း ပိုရို့ ကြီးမြတ်သူတစ်ပါး ဒေမာ ဟိရေ။ 32နိနေဝေမြို့သားရို့စာ တရားစစ်ဆေးရေနိမာ ရပ်ရို့ ဒေခိုက်မာ လူရို့ကို အပြစ်တင်ကတ်လိမည်၊ အကြောင်းကား နိနေဝေမြို့သားရို့စာ ဘုရားသတင်းပို့သူ ယောန ဟောပြောစာတရားကို ကြားရို့ အပြစ်က စိတ်လှည့်ရို့ လာလီကတ်တေ။ အရာ ကြည့်ကတ်၊ ယောနထက်လည်း ပိုရို့ ကြီးမြတ်သူတစ်ပါး ဒေမာ ဟိရေ။
Copyright information for
RmzSC