Luk 11:9-13 | RmzSC | STEP | “ယင်းအတွက်န ငါ နင်ရို့ကို ပြောရေ၊ တောင်းကတ်၊ တောင်းရေဆိုကေ နင်ရို့ ရကတ်လိမည်။ ရှာကတ်၊ ရှာရေဆိုကေ တွိကတ်လိမည်။ အရာ တန်ခါးပိတ်ကို ခေါက်ကတ်၊ ခေါက်တေဆိုကေ နင်ရို့အတွက် ဖွင့်ပီးလိမည်၊

Luke 11:9-13

တောင်းကေ ရဖို့စာ အကြောင်း

(မဿဲ ၇:၇-၁၁)

9 “ယင်းအတွက်န ငါ နင်ရို့ကို ပြောရေ၊ တောင်းကတ်၊ တောင်းရေဆိုကေ နင်ရို့ ရကတ်လိမည်။ ရှာကတ်၊ ရှာရေဆိုကေ တွိကတ်လိမည်။ အရာ တန်ခါးပိတ်ကို ခေါက်ကတ်၊ ခေါက်တေဆိုကေ နင်ရို့အတွက် ဖွင့်ပီးလိမည်၊ 10 အကြောင်းကား တောင်းရေလူတိုင်း ရကတ်တေ၊ ရှာရေလူတိုင်း တွိကတ်တေ အရာ တန်ခါးပိတ်ကို ခေါက်တေ လူတိုင်းအတွက် ဖွင့်ပီးရေ။ 11 နင်ရို့အထဲမာ ကိုယ့်သား ထမင်းစားဖို့ တောင်းရေဆိုကေ ကျောက်စရစ်ကို ထုတ်ပီးစာ အဖ ဟိရေလော? မဟုတ်ကေ ငါးစားဖို့ တောင်းရေဆိုကေ မြိန်ကို ထုတ်ပီးစာ အဖ ဟိရေလော? 12 အရာ ကြက်အု စားဖို့တောင်းရေဆိုကေ ကင်းကဏန်းကို ထုတ်ပီးစာ အဖ ဟိရေလော? 13 နင်ရို့ ဆိုးယုတ်ကတ်ကေလည်းသောက် နင်ရို့စာ ကိုယ်ရို့မာ သားသမီးရို့ကို ကောင်းစာ ဝန်တိကို ပီးဖို့တတ်ကတ်တေ။ ယင်းပိုင်ဆိုကေ စဉ်းစားကြည့်ကတ်၊ နင်ရို့မာ ဂေါင်းခင်ဘုံသျှင် အဖစာ ကိုယ့်ဘားမာ တောင်းကတ်သူရို့ကို အရာလည်း ပိုရို့ သန့်ရှင်းသောဝိညာဉ်တော်ကို ပီးဖို့ မဟုတ်လော!”