Luke 12:2-7
အသူ့ကို ကြောက်ရဖို့လည်း?
(မဿဲ ၁၀:၂၆-၃၁)
2“ဖုံးရွှက်ထားစာ အကြောင်းအရာ အားကုံး ပေါ်လာလိမည်၊ ကွယ်ထားစာ အကြောင်းအရာ အားကုံး ထွက်လာလိမည်။ 3နင်ရို့ အမိုက်မှောင်မာ ပြောစာစကားတိကို လူရို့စာ အလင်းမာ ကြားရကတ်လိမည်။ နင်ရို့ အိမ်ထဲမာ နားမာ ဟတ်ရို့ ပြောစာစကားတိကို အိမ်ခေါင်ထက်မာ တက်ရို့ ကျော်ညာလိမည်။ 4ငါ့ မိတ်ဆွေရို့၊ ငါ နင်ရို့ကို ပြောရေ၊ နင်ရို့ ခန္ဓာကို အသီသတ်ပြီးရေနောက် တစ်ခုလည်း မလုပ်နိုင်သူရို့ကို နင်ရို့ မကြောက်ကတ်ကေ့။ 5အသူ့ကို ကြောက်ရဖို့လည်းဆိုစာကို ငါ နင်ရို့ကို ပြောမည်။ နင်ရို့ကို အသီသတ်ပြီးရေနောက် ငရဲမီးအိုင်တို့ ဘိုက်ချဖို့စာ တန်ခိုး ဟိသူကိုရာ နင်ရို့ ကြောက်ကတ်။ ဟုတ်တေ၊ ငါ နင်ရို့ကို ပြောရေ၊ နင်ရို့ သူ့ကိုရာ ကြောက်ကတ်။ 6“အိမ်ပွတ်စာသျှေ ငါးကောင်ကို တန်ဖိုးအနည်းန ရောင်းရေ မဟုတ်လော? ယေကေလည်း ထာဝရဘုရားစာ ထိုစာသျှေ တစ်ကောင်မကျန်ကို မှတ်ထားရေ။ 7ယင်းထက်မက သူစာ နင်ရို့ အဂေါင်းမာ ဆံပင်တိကို တိုင်အောင်ပင် ရွီထားရေ။ မကြောက်ကတ်ကေ့၊ နင်ရို့ ထိုအိမ်ပွတ်စာသျှေ အများကြီးထက်လည်း ပိုရို့ တန်ဖိုး ဟိကတ်တေ။
Copyright information for
RmzSC