Luke 12:41-48
ကျွန်နှစ်ယောက် ပုံဥပမာ
(မဿဲ ၂၄:၄၅-၅၁)
41ယင်းခါ ပေတရုစာ မီးလီရေ၊ “အသျှင်၊ ဒေ သွန်သင်ချက် အကျွန်ရို့ကို ပီးပါစာလော၊ မဟုတ်ကေ အားကုံးသူကို ပီးပါစာလော?” 42အသျှင်စာ အဖြေပီးလီရေ၊ “အခြားကျွန်ရို့ကို အချိန်တိုင်း အစားအစာ ပီးဖို့အတွက် ကိုယ့်အပိုင်သျှင်က တာဝန် ရလီစာ သစ္စာန အလိမ္မာဟိစာ ကျွန် အသူလည်း? 43ကိုယ့်အပိုင်သျှင် ရောက်လာရေခါ ကိုယ့်တာဝန်ကို သစ္စာန ထန်းဆောင်ရို့ တွိဖို့စာ ကျွန်စာ မင်္ဂလာဟိရေ။ 44ငါ နင်ရို့ကို အမှန် ပြောရေ၊ အပိုင်သျှင်စာ ကိုယ့်မာ ဟိသမျ အမွီဥစ္စာကို ကြည့်ရှုစောင့်သျှောက်ဖို့အတွက် ထိုကျွန်ကို တာဝန် ပီးလိမည်။ 45– 46ယေကေလည်း ကိုင်လိုက်ဖိ၊ ထိုကျွန်စာ စိတ်မာ စိတ်မာ၊ ‘ငါ့အပိုင်သျှင် ပြန်လာဖို့ ကြာဖို့သိ’ ဟို့ ပြောရေဆိုကေ၊ ယင်းအတွက်န သူစာ ကိုယ့်အဖက်သား ကျွန်ရို့ကို ဘုတ်တေဆိုကေ အရာ သူစာ စားသောက်ပြီးရေနောက် အရက်သောက်ရို့ ယစ်တေဆိုကေ သူ့အပိုင်သျှင်စာ ထိုကျွန် သတိမထား မစဉ်းစားစာအချိန်န နိရက်မာ သူ့အပိုင်သျှင် ရောက်လာလိမည်။ ယင်းခါ အပိုင်သျှင်စာ သူ့ကို အတိုက် အတိုက် စိုင်းရို့ သစ္စာမဟိသူရို့ကို ဘိုက်ချဖို့စာနေရာတို့ ဘိုက်ချလိမည်။ 47“ကိုယ့်အပိုင်သျှင် အလိုဆန္ဒကို သိရို့အတိုင်းလည်း အဆင်သင့် စောင့်ရို့ မနီစာ ကျွန်၊ မဟုတ်ကေ ကိုယ့်အပိုင်သျှင် အလိုကို မလိုက်စာ ကျွန်စာ အပြစ်ဒါဏ် အများကြီး ခံရလိမည်။ 48ယေကေလည်း ကိုယ့်အပိုင်သျှင် အလိုဆန္ဒကို မသိဘိုင်းန ကြိမ်ဒါဏ် ခံရဖို့စာ အလုပ်ကို လုပ်သူစာ ကြိမ်ဒါဏ် အနည်းသျှေ ခံရလိမည်။ အသူမဆို တာဝန် အများကြီး ရရေဆိုကေ ယင်းသူမာ တာဝန် ပိုရို့ များလိမည်။ လူရို့စာ အသူ့ဘားမာမဆို တာဝန် အများကြီး အပ်ထားရေဆိုကေ ယင်းသူက အများကြီး စာရင်းတောင်းကတ်တေ။
Copyright information for
RmzSC