Luk 17:25-36 | RmzSC | STEP | ယေကေလည်း သူစာ ပထမဆုံး ဒုက္ခ-ဝေဒနာ အများကြီး ခံရဖို့သိ အရာ ဒေခိုက်မာ လူရို့စာ သူ့ကို ငြင်းပယ်ကတ်လိမည်။

Luke 17:25-36

25 ယေကေလည်း သူစာ ပထမဆုံး ဒုက္ခ-ဝေဒနာ အများကြီး ခံရဖို့သိ အရာ ဒေခိုက်မာ လူရို့စာ သူ့ကို ငြင်းပယ်ကတ်လိမည်။

26 “နောဧလက်ထက်ခါ ဖြစ်ပျက်လီစာပိုင် မနုသသားတော် ကြွလာရေအချိန်မာလည်း ယင်းပိုင်တထန် ဖြစ်ပျက်လိမည်။ 27 နောဧ သင်္ဘောမာ မတက်သကြား အရာ ရီမင်းကြီး လာရို့ ဟိသမျ လူရို့ကို မဖျက်စီးသကြား လူရို့စာ ပကတိအတိုင်း စားရို့သောက်ရို့ ဟိကတ်လီရေ၊ အိမ်ထောင်ပြုရို့ ဟိကတ်လီရေ အရာ အိမ်ထောင်ချရို့ ဟိကတ်လီရေ။

28 “အရာ လောတ လက်ထက်ခါလည်း ယင်းပိုင်တထန် ဖြစ်ပျက်လီရေ။ ယင်းအချိန်ခါ လူရို့စာ ပကတိအတိုင်း စားရို့သောက်ရို့ ဟိကတ်လီရေ၊ အရောင်း-အဝယ်လုပ်ရို့ ဟိကတ်လီရေ၊ အခင်းအပြင်လုပ်ရို့ ဟိကတ်လီရေ အရာ အိမ်-ယာ ဆောက်ရို့ ဟိကတ်လီရေ။ 29 ယေကေလည်း လောတ သောဒုံမြို့က ထွက်ရို့ လားရေနိမာ ဂေါင်းခင်က မီးမိုးန ကန့်ကျောက် မိုးရွာရို့ ဟိသမျ လူရို့ကို ဖျက်စီးဘိုက်လိုက်လီရေ။ 30 မနုသသားတော် ကြွလာရေနိမာလည်း ယင်းပိုင်တထန် ဖြစ်ပျက်လိမည်။ 31 ယင်းနိခါ အိမ်ခေါင်ထက်မာ တက်ရို့ ဟိသူစာ ဝန်ဆန်ထုတ်ယူခဖို့အတွက် အောက်တို့ ဆင်းလာရို့ အိမ်ထဲတို့ မဝင်လီကေ့။ ယင်းပိုင်တထန် လယ်ပြင်မာ အလုပ်လုပ်နီသူစာ အိမ်တို့ ပြန်မလာလီကေ့။ 32 လောတ၏ မယား အကြောင်းကို စဉ်းစားကြည့်ကတ်။

33 “အသူမဆို ကိုယ့်အသက်ကို ကယ်ဆယ်ဖို့ ကြိုးစားရေဆိုကေ သူ့မာ ထာဝရအသက်ကို ဆုံးရလိမည်။ ယေကေလည်း အသူမဆို ကိုယ့်အသက်ကို အဆုံးခံရေဆိုကေ သူစာ ထာဝရအသက်ကို ကယ်ဆယ်လိမည်။ 34 ငါ နင်ရို့ကို ပြောရေ၊ ယင်းနိညဉ့်မာ တစ်အိပ်ရာတည်းမာ အိပ်ရို့ဟိကတ်စာ လူနှစ်ယောက်အထဲက တစ်ယောက်ကို ထားဘိုက်ခရို့ အခြားတစ်ယောက်ကို တင်ယူလိမည်။ 35 ယင်းခါ ဆုံမာ စပါးထောင်းနီစာ မိန်းမနှစ်ယောက်အထဲက တစ်ယောက်ကို ထားဘိုက်ခရို့ အခြားတစ်ယောက်ကို တင်ယူလိမည်။ 36 ^{▼▼ပထမဆုံး ရွီးလီစာ ဂရိဘာသာ ကျမ်းစာအဟောင်းတိမာ ဒေ အခန့်ငယ် ၃၆-မာ စကားတိ ရွီးရို့ မဟိပါ။}လယ်ပြင်မာ အလုပ်လုပ်နီစာ လူနှစ်ယောက်အထဲက တစ်ယောက်ကို ထားဘိုက်ခရို့ အခြားတစ်ယောက်ကို တင်ယူလိမည်။”