Luke 18:35-43
မျက်ကန်းတစ်ယောက် အကောင်းဖြစ်ခြင်း
(မဿဲ ၂၀:၂၉-၃၄၊ မာကု ၁၀:၄၆-၅၂)
35ယေရှုန သူ့တပည့်ရို့စာ ယေရိခေါမြို့နားတို့ ရောက်ကတ်တေခါ မျက်ကန်းတစ်ယောက် လမ်းနားမာ ထိုင်ပြီးကေ အလှူခံရို့ ဟိလီရေ။ 36သူစာ လူအများကြီး အသံကို ကြားရို့ ဇာ ဖြစ်တေလည်း ဆိုပြီးကေ မီးကြည့်လီရေ။ 37နာဇရက်မြို့သျှေသား ယေရှု ထိုလမ်းကနီရို့ ကြွရေဆိုစာကို လူရို့စာ သူ့ကို ပြောပြကတ်လီရေ။ 38ယင်းခါ သူစာ အားန အော်ရို့ ပြောလီရေ၊ “အိုး ဒါဝိဒ်မင်း၏ သားတော် ယေရှု၊ အကျွန့်ကို သနားပါ!” 39လူပရိတ်သတ် ရှိက ဟိလီသူရို့စာ သူ့ကို ဟောက်ပြီးကေ တိန်းရို့ နီဖို့ ခိုင်းကတ်လီရေ။ ယေကေလည်း သူစာ အရာလည်း အားန အော်ရို့ ခေါ်လီရေ၊ “အိုး ဒါဝိဒ်မင်း၏ သားတော်၊ အကျွန့်ကို သနားပါ!” 40ယေရှုစာ တန့်ရို့ ထိုမျက်ကန်းကို ကိုယ့်အနားတို့ ယူခဖို့ ခိုင်းလီရေ။ သူစာ အနားတို့ ရောက်တေခါ ယေရှုစာ မီးလီရေ၊ 41“နင် ဇာ လိုစာလည်း? နင့်အတွက် ငါ ဇာ လုပ်ရဖို့လည်း?” သူစာ အဖြေပီးလီရေ၊ “အသျှင်၊ အကျွန့်မာ မျက်စိ မြင်ချင်ပါရေ။” 42ယေရှုစာ သူ့ကို ပြောလီရေ၊ “နင့် မျက်စိ မြင်ရစီ! နင် ကျုံရေအတွက်န နင့်မာ မျက်စိ မြင်ရဗျာ။” 43ထိုလူမာ မျက်စိစာ ချက်ချင်း မြင်ရလီရေ အရာ သူစာ ထာဝရဘုရားကို ချီမွမ်းရို့ ယေရှု နောက်က လိုက်လီရေ။ ယင်းသျှင့်ကို မြင်ရို့ ဟိသမျ လူရို့စာ ထာဝရဘုရားကို ချီမွမ်းကတ်လီရေ။
Copyright information for
RmzSC