Luke 22:14-20
အသျှင်၏ ပွဲတော်မင်္ဂလာ
(မဿဲ ၂၆:၂၆-၃၀၊ မာကု ၁၄:၂၂-၂၆၊ ၁ကောရိန္သု ၁၁:၂၃-၂၅)
14ယင်းနောက် အချိန်တိုင်ရေခါ ယေရှုစာ တမန်တော်ရို့နအတူ လွတ်မြောင့်ခြင်းပွဲကို စားသောက်ဖို့ ထိုင်လီရေ။ 15သူစာ သူရို့ကို ပြောလီရေ၊ “ငါ ဒုက္ခ-ဝေဒနာကို မခံယူခင်အယင်က နင်ရို့နအတူ ဒေ လွတ်မြောင့်ခြင်းပွဲကို ကောင်းကောင်း စားသောက်ခချင်ရေ။ 16ငါ နင်ရို့ကို ပြောရေ၊ ထာဝရဘုရား၏ နိုင်ငံတော် ရွယ်မှတ်ချက် မပြည့်စုံသကြား ငါ အရာ တစ်ခါလည်း ဒေ ပွဲကို မစားဗျာ။” 17ယင်းနောက် ယေရှုစာ စပျစ်ရည်ခွက်ကို ယူလီရေ အရာ ထာဝရဘုရားကို ကျေးဇူးတင်ရို့ တပည့်ရို့ကို ပြောလီရေ၊ “နင်ရို့အထဲမာ ဒေ စပျစ်ရည်ကို ဝီရို့ သောက်ကတ်၊ 18အကြောင်းကား ငါ နင်ရို့ကို ပြောရေ၊ ဒေဂုကပင် စရို့ ထာဝရဘုရား၏ နိုင်ငံတော် မတည်သကြား ငါ အရာတစ်ခါလည်း စပျစ်ရည် မသောက်ပျာ။” 19ယင်းနောက် သူစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ။ အရာ သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ဒေ ပေါင်မုန့်စာ နင်ရို့အတွက် စွန့်ဖို့စာ ငါ့အသား ဖြစ်တေ။ ငါ့ကို အောက်မိဖို့အတွက် နင်ရို့ ဒေပိုင် လုပ်လီကတ်။” 20ယင်းပိုင်တထန် စားသောက်ရို့ ပြီးရေခါ သူစာ စပျစ်ရည် ခွက်ကို ပီးရို့ တပည့်ရို့ကို ပြောလီရေ၊ “ဒေ ခွက်စာ ထာဝရဘုရား၏ စာချုပ်အသစ် အမှတ်တရ ဖြစ်တေ။ ထာဝရဘုရား၏ စာချုပ်အသစ်ကို ငါ့သွီးန ထိုးရေ။ အရာ ငါ့မာ ဒေ သွီးကို နင်ရို့အတွက် သွန်းလောင်းဖို့။
Copyright information for
RmzSC