Luk 22:39-46 | RmzSC | STEP | ယင်းနောက် ယေရှုစာ ထိုမြို့က ထွက်ရို့ ကိုယ့်အလည့်အတိုင်း သံလွင်တောင်တို့ တက်လီရေ။ အရာ တပည့်ရို့လည်း သူနအတူ ပါကတ်လီရေ။

Luke 22:39-46

သံလွင်တောင်မာ ယေရှု ဆုတောင်းခြင်း

(မဿဲ ၂၆:၃၆-၄၆၊ မာကု ၁၄:၃၂-၄၂)

39 ယင်းနောက် ယေရှုစာ ထိုမြို့က ထွက်ရို့ ကိုယ့်အလည့်အတိုင်း သံလွင်တောင်တို့ တက်လီရေ။ အရာ တပည့်ရို့လည်း သူနအတူ ပါကတ်လီရေ။ 40 သူစာ ထိုတောင်တို့ တက်ရို့ ရောက်တေခါ တပည့်ရို့ကို ပြောလီရေ၊ “အပြစ်သွေးဆောင်ခြင်းမာ မကျရအောင် ဆုတောင်းကတ်။”

41 ယင်းနောက် ယေရှုစာ တပည့်ရို့န တစ်ဖဲ့ အဝီးတို့ ကြွပြီးကေ ဒူးထောက်ရို့ ဆုတောင်းလီရေ၊ 42 “အိုး အဖ၊ ကိုယ်တော် အလိုဟိရေဆိုကေ အကျွန် ခံရဖို့စာ ဒုက္ခ-ဝေဒနာကို ပျောက်ကင်းစီပါ။ ယေကေလည်း အကျွန့် အလိုအတိုင်း မဟုတ်ပါ၊ ကိုယ်တော်၏ အလိုတော်အတိုင်း ဖြစ်ပါစီ။”

43 ယင်းခါ ဂေါင်းခင်ဘုံက ဂေါင်းခင်နတ်သားတစ်ပါး ဆင်းလာရို့ ယေရှုကို အားပီးလီရေ။ 44 ယေရှုစာ စိတ်ဒုက္ခန အရာလည်း အားထည့်ရို့ ဆုတောင်းလီရေ။ သူ့ခန္ဓာက ချွေးပေါက်တိစာ သွီးပိုင် ဖြစ်ရို့ မြေပြင်မာ ကျလီရေ။

45 – 46 သူစာ ဆုတောင်းရို့ ပြီးရေခါ ထရို့ ကိုယ့်တပည့်ရို့တို့ လာလီရေ။ တပည့်ရို့စာ စိတ်ဒုက္ခန ပင်ပန်းရို့ အိပ်မောပါလားခကတ်လီရေ။ ယင်းသျှင့်ကို မြင်ရို့ ယေရှုစာ သူရို့ကို ပြောလီရေ၊ “နင်ရို့ ဇာဖို့ အိပ်ကတ်စာလည်း? ထ၊ အပြစ်သွေးဆောင်ခြင်းမာ မကျရအောင် ဆုတောင်းကတ်။”