Luke 22:66-71
မဟာတိုင်ဘင်အဖွဲ့သားရို့ ယေရှုကို စစ်ဆေးခြင်း
(မဿဲ ၂၆:၅၇-၆၈၊ မာကု ၁၄:၅၃-၆၅၊ ယောဟန် ၁၈:၁၃-၁၄၊၁၉-၂၄)
66မိုးလင်းရေခါ ဂေါင်းဆောင်ဝါကြီးရို့၊ ကျမ်းဆရာရို့ အရာ ယဇ်ပုရောဟိတ်အကြီးရို့စာ တစ်ရပ်တည်းမာ စုကတ်လီရေ အရာ သူရို့စာ ယေရှုကို ယုဒလူမျိုး မဟာတိုင်ဘင်အဖွဲ့သားရို့ ရှိတို့ ယူခရို့ ပြောကတ်လီရေ၊ 67– 68“နင် အမှန် ခရစ်တော် ဖြစ်တေဆိုကေ ငါရို့ကို ပြော!” ယေရှုစာ သူရို့ကို ပြောလီရေ၊ “ငါ ပြောရေဆိုကေလည်း ကိုယ်ဘင်ရို့ ကျုံကတ်ဖို့ မဟုတ် အရာ ငါ ကိုယ်ဘင်ရို့ကို တစ်ခုမသာ မီးကေလည်း ကိုယ်ဘင်ရို့ ငါ့ကို အဖြေပီးကတ်ဖို့ မဟုတ်။ 69ယေကေလည်း မနုသသားတော်စာ ဒေဂုကပင်စရို့ အနန္တတန်ခိုးနပြည့်စုံစာ ထာဝရဘုရား၏ ညာဖက်က ထိုင်ရို့ ဟိဖို့ဗျာ။” 70ယင်းခါ အားကုံးသူ မီးကတ်လီရေ၊ “ယင်းပိုင်ဆိုကေ နင် ထာဝရဘုရား၏ သားတော်လော?” သူစာ ထိုလူရို့ကို အဖြေပီးလီရေ၊ “ကိုယ်ဘင်ရို့ ပြောရေအတိုင်း ဖြစ်တေ။” 71ယင်းခါ ဂေါင်းဆောင်ရို့စာ ပြောကတ်လီရေ၊ “ငါရို့မာ အရာ သက်သီပီးဖို့ ဇာလိုသိယလည်း? ငါရို့ ကိုယ်တိုင် သူပြောစာ စကားကို ကြားရကတ်ပျာ။”
Copyright information for
RmzSC