Luk 9:57-62 | RmzSC | STEP | သူရို့ လမ်းမာ လားကတ်တေခါ လူတစ်ယောက် လာရို့ ယေရှုကို ပြောလီရေ၊ “ကိုယ်ဘင် လားစာနေရာတို့ အကျွန်လည်း လိုက်ပါဖို့။”

Luke 9:57-62

တပည့်အစစ် ဖြစ်ရဖို့စာ အကြောင်း

(မဿဲ ၈:၁၉-၂၂)

57 သူရို့ လမ်းမာ လားကတ်တေခါ လူတစ်ယောက် လာရို့ ယေရှုကို ပြောလီရေ၊ “ကိုယ်ဘင် လားစာနေရာတို့ အကျွန်လည်း လိုက်ပါဖို့။” 58 ယေရှုစာ သူ့ကို ပြောလီရေ၊ “ခဲဝါမာ တွင်းဟိရေ အရာ ငှက်မာလည်း တင်းဟိရေ၊ ယေကေလည်း မနုသသားတော်မာ အဂေါင်းချစရာ တစ်ရပ်မာလည်း မဟိ။”

59 ယင်းနောက် ယေရှုစာ အခြားတစ်ယောက်ကို ပြောလီရေ၊ “ငါ့နောက်က လိုက်။” ယေကေလည်း ထိုလူစာ ပြောလီရေ၊ “အသျှင်၊ အကျွန် အယင်ဆုံး လားရို့ အကျွန့် အဖကို သင်္ဂြိုဟ်ဖို့ အခွင့်ပီးပါ။” 60 ယေရှုစာ သူ့ကို ပြောလီရေ၊ “လူသီရို့စာ ကိုယ်ရို့မာ လူသီရို့ကို သင်္ဂြိုဟ်ကတ်ပတ်စီ၊ ယေကေလည်း နင် လာရို့ ထာဝရဘုရား၏ နိုင်ငံတော် အကြောင်းကို ဟောပြောခလိုက်။”

61 အရာ တစ်ယောက် ပြောလီရေ၊ “အသျှင်၊ အကျွန် ကိုယ်တော် နောက်က လိုက်ပါမည်၊ ယေကေလည်း အကျွန် အယင်ဆုံး အိမ်တို့ လားရို့ ပြောပါခိမည်။” 62 ယေရှုစာ သူ့ကို ပြောလီရေ၊ “အပ်ကိုင်းကို ကိုင်ရို့ နောက်တို့ လှည့်ကြည့်သူစာ ထာဝရဘုရား၏ နိုင်ငံတော်န မထိုက်တန်။”