Mark 1:29-34
ရောဂါသေ အများကြီး အကောင်းဖြစ်ခြင်း
(မဿဲ ၈:၁၄-၁၇၊ လုကာ ၄:၃၈-၄၁)
29ယင်းနောက် ယေရှုစာ တရားဇရပ်က ထွက်ရို့ ရှိမုန်န အန္ဒြေ အိမ်တို့ ကြွလီရေ။ ယင်းခါ ယာကုပ်န ယောဟန်လည်းသောက် သူရို့နအတူ ပါကတ်လီရေ။ 30ရှိမုန် ယောက္ခမအမသူစာ အဖျားကြီးတက်ရို့ ဟိလီရေ။ ယင်းအတွက်န သူစာ အိပ်ရာမာ လဲရို့ ဟိလီရေ။ ယေရှု ရောက်လာရေ ချက်ချင်း ရှိမုန် ယောက္ခမအမသူ ဖျားစာ အကြောင်းကို သူရို့စာ ယေရှုဘားမာ ပြောပြကတ်လီရေ။ 31ယင်းခါ ယေရှုစာ သူ့အနားတို့ လားရို့ သူ့အလက်ကို ကိုင်ရို့ ထူလီရေ။ ယေရှု သူ့အလက်ကို ကိုင်ရေချက်ချင်း သူ့မာ အဖျား ဆုတ်လားခလီရေ အရာ သူစာ ဧည့်သေရို့ စားသောက်ဖို့အတွက် စီစဉ်လီရေ။ 32ယင်းနိ နီဝင်လာရေခါ လူရို့စာ ဟိသမျ ရောဂါသေရို့န နတ်ဆိုးကိုင်သူရို့ကို ယေရှုတို့ ယူလာကတ်လီရေ။ 33အရာ ကပေရနောင်မြို့သျှေမာ ဟိသမျ လူရို့စာ ရှိမုန် ယောက္ခမအမသူ အိမ်လမ်းခဝမာ လာရို့ စုကတ်လီရေ။ 34ယင်းခါ ယေရှုစာ အမျိုးမျိုး ရောဂါသေရို့ကို အကောင်း လုပ်လီရေ အရာ နတ်ဆိုးကိုင်သူရို့ ခန္ဓာက နတ်ဆိုး အများကြီး နှင်ထုတ်လီရေ။ ထိုနတ်ဆိုးတိစာ ယေရှု အသူလည်းဆိုစာကို သိလီကတ်တေ။ ယင်းအတွက်န သူစာ နတ်ဆိုးတိကို စကားပြောဖို့ မပီးလီ။
Copyright information for
RmzSC