Mark 11:1-11
ယေရှု ယေရုရှလင်မြို့တို့ ဝင်ခြင်း
(မဿဲ ၂၁:၁-၁၁၊ လုကာ ၁၉:၂၈-၄၀၊ ယောဟန် ၁၂:၁၂-၁၉)
1ယေရှုန သူ့တပည့်ရို့စာ ယေရုရှလင်မြို့နမနီးမဝီး သံလွင်တောင်ခြီရင်းမာဟိစာ ဗက်ဖာဂေရွာန ဗေသနိရွာနားတို့ ရောက်ကတ်လီရေ။ ယင်းခါ ယေရှုစာ သူရို့အထဲက တပည့်နှစ်ယောက်ကို ဒေပိုင် ပြောရို့ ရွှတ်လိုက်လီရေ၊ 2“နင်ရို့ ထိုရှိကဟိစာ ရွာတို့ လားခီကတ်။ နင်ရို့ ယင်းရွာတို့ ဝင်ရေခါ တစ်ယောက်လည်း မစီးဖူးစာ ဝန်ရွက်မြင်းသျှေ တစ်ကောင်ကို ချိုင်ရို့ တွိကတ်လိမည်။ ထိုဝန်ရွက်မြင်းသျှေကို ဖြီရို့ ငါ့တို့ ယူခကတ်။ 3အသူမဆို၊ ‘နင်ရို့ ဇာဖို့ ဖြီကတ်စာလည်း’ ဟို့ နင်ရို့ကို မီးရေဆိုကေ၊ ‘ဒေ ဝန်ရွက်မြင်းသျှေကို အသျှင် အလိုဟိရေ အရာ ဒေ ဝန်ရွက်မြင်းသျှေကို အသျှင် အယင်အမြန် ပြန်ပီးလိမည်’ ဟို့ ပြောခကတ်။” 4သူရို့စာ ထို ရွာတို့ ရောက်လားခကတ်တေခါ လမ်းအထက်က အိမ်လမ်းခဝနားမာ ဝန်ရွက်မြင်းသျှေ တစ်ကောင် ချိုင်ရို့ဟိစာကို မြင်ရကတ်လီရေ။ 5သူရို့စာ ထိုဝန်ရွက်မြင်းသျှေကို ဖြီကတ်တေခါ ယင်းနေရာမာ ရပ်ရို့ ဟိသူရို့စာ မီးကတ်လီရေ၊ “နင်ရို့ ဇာ လုပ်ကတ်စာလည်း? ယင်းဝန်ရွက်မြင်းသျှေကို ဇာဖို့ ဖြီကတ်စာလည်း?” 6သူရို့စာ ယေရှု မှာလိုက်စာပိုင်တထန် ထိုလူရို့ကို ပြောပြကတ်လီရေ။ ယင်းခါ လူရို့စာ ဝန်ရွက်မြင်းသျှေကို ယူလားဖို့ ပီးကတ်လီရေ။ 7သူရို့စာ ဝန်ရွက်မြင်းသျှေကို ယေရှုတို့ ယူလာကတ်လီရေ အရာ ယင်းဝန်ရွက်မြင်းသျှေ နောက်ကုံးထက်မာ ကိုယ်ရို့ကိုယ်ရုံကို ခင်းကတ်လီရေ။ ယင်းခါ ယေရှုစာ ဝန်ရွက်မြင်းသျှေ နောက်ကုံးထက်မာ ထိုင်လီရေ။ 8အရာ လူအများကြီး ကိုယ်ရို့ကိုယ်ရုံကို လမ်းမာ ခင်းကတ်လီရေ အရာ တစ်ချိုးလူရို့စာ အရွက်နအတိုင်း အပင်အခက်အလက်တိကို ခွတ်ယူခရို့ လမ်းမာ ခင်းကတ်လီရေ။ 9ယေရှု နောက်က ရှိက ပါကတ်သူရို့စာ အော်ရို့ ပြောကတ်လီရေ၊“ဟောရှဏ္ဏ! ထာဝရဘုရား၏ ဘုန်းကြီးပါစီ!
အသျှင်၏ နာမည်န ကြွလာသူစာ မင်္ဂလာ ဟိပါစီ!
10အကျွန်ရို့အဖ ဒါဝိဒ်မင်း၏ နိုင်ငံတော် လာနီရေ၊
ထိုနိုင်ငံတော်စာ မင်္ဂလာ ဟိပါစီ!
အရာ ဂေါင်းခင်ဘုံလည်း ဟောရှဏ္ဏ ဖြစ်ပါစီ!” 11ယေရှု ယေရုရှလင်မြို့တို့ ရောက်တေခါ ဝိပဿနာကျောင်းမာ ဝင်ရို့ လေးဖက်လက်စိမာ ဟိသမျ အားကုံးကို ကြည့်လီရေ။ ယေကေလည်း သူစာ နီဝင်ရေအတွက်န တပည့်တစ်ဆယ့်နှစ်ယောက်ကို ယူရို့ ဗေသနိရွာတို့ ကြွလီရေ။
Copyright information for
RmzSC