Mark 13:32-37
မနုသသားတော် ဇာ အချိန်မာ ကြွလာဖို့လည်း?
(မဿဲ ၂၄:၂၃-၂၈၊ ၂၄:၃၆-၄၁၊ လုကာ ၁၇:၂၅-၃၆)
32“ထိုအချိန်န ထိုနိရက်ကို တစ်ယောက်လည်း မသိကတ် အရာ သားတော်န ဂေါင်းခင်နတ်သားရို့လည်း မသိကတ်၊ ယေကေလည်း အဖ တစ်ပါးတည်းရာ သိရေ။ 33ထိုနိရက် ဇာခါ ရောက်လာဖို့လည်းဆိုစာကို နင်ရို့ မသိကတ်။ ယင်းအတွက်န နင်ရို့ သတိထားကတ်! အရာ အနိုးနီရို့ ဆုတောင်းကတ်။ 34ထိုနိရက်စာ အခြားပြည်တို့ ခရီးထွက်ဖို့စာ လူတစ်ယောက်နတူလိမည်။ သူစာ ကိုယ့်အိမ်က ထွက်မလားခင်အယင်က ကျွန်ရို့အလက်မာ ဟိသမျ တာဝန်ကို အပ်ဘိုက်ခလီရေ။ ကျွန်တစ်ယောက်မကျန်ကို အလုပ်တာဝန် ပီးလီရေ အရာ လမ်းခဝစောင့်ကို အနိုးနီဖို့ ခိုင်းလီရေ။ 35နင်ရို့လည်း ယင်းပိုင် အနိုးနီကတ်၊ အကြောင်းကား အိမ်သျှင်စာ နီဝင်လုတ်မာ လာဖို့လော၊ ညဉ့်သိုင်ခေါင်မာ လာဖို့လော၊ မိုးလင်းလုတ်မာ လာဖို့လော၊ မဟုတ်ကေ မိုးသောက်စောစောက လာဖို့လောဆိုစာကို နင်ရို့ မသိကတ်။ 36ယင်းအတွက်န အိမ်သျှင် ဗြုန်းခနိုင်းပျင်ရို့ ရောက်လာရေခါ နင်ရို့ကို အိပ်ရို့ မမြင်ရစီကေ့။ 37ငါ နင်ရို့ကို ပြောစာစကားကို အားကုံးသူကို ပြောရေ၊ သတိန စောင့်နီကတ်။”
Copyright information for
RmzSC