Mar 14:27-31 | RmzSC | STEP | ယင်းနောက် ယေရှုစာ ကိုယ့်တပည့်ရို့ကို ပြောလီရေ၊ “နင်ရို့ အားကုံးသူ ငါ့ကို စွန့်ရို့ ထွက်ဗြီးကတ်လိမည်၊ အကြောင်းကား ကျမ်းစာမာ ရွီးရို့ ဟိရေ၊ ‘ငါ သိုးဆိတ်ကျောင်းသားကို သတ်ဘိုက်လိုက်ဖို့။ ယင်းအတွက်န သိုးဆိတ်တိ ကစက်ကရဲ ဖြစ်ကတ်လိမည်။’

Mark 14:27-31

ပေတရု ငြင်းဖို့စာ အကြောင်း

(မဿဲ ၂၆:၃၁-၃၅၊ လုကာ ၂၂:၃၁-၃၄၊ ယောဟန် ၁၃:၃၆-၃၈)

27 ယင်းနောက် ယေရှုစာ ကိုယ့်တပည့်ရို့ကို ပြောလီရေ၊ “နင်ရို့ အားကုံးသူ ငါ့ကို စွန့်ရို့ ထွက်ဗြီးကတ်လိမည်၊ အကြောင်းကား ကျမ်းစာမာ ရွီးရို့ ဟိရေ၊ ‘ငါ သိုးဆိတ်ကျောင်းသားကို သတ်ဘိုက်လိုက်ဖို့။ ယင်းအတွက်န သိုးဆိတ်တိ ကစက်ကရဲ ဖြစ်ကတ်လိမည်။’ 28 ယေကေလည်း ငါ သီရာက ပြန်ရှင်ထမြောင့်ပြီးရေနောက် ငါစာ နင်ရို့ထက်အယင် ဂါလိလဲပြည်နယ်တို့ ကြွဖို့။” 29 ယင်းခါ ပေတရုစာ ပြောလီရေ၊ “အားကုံးသူ ကိုယ်တော်ကို စွန့်ရို့ ထွက်ဗြီးကတ်ကေလည်း အကျွန် မထွက်ဗြီးပါ။” 30 ယေရှုစာ သူ့ကို ပြောလီရေ၊ “ငါ နင့်ကို အမှန် ပြောရေ၊ ဒေနိ ညဉ့်မာ ကြက်နှစ်ချိန် မတွန်ခင်အယင်က နင် ငါ့ကို မသိ ဟို့ သုံးခေါက်တိုင်အောင် ငြင်းလိမည်။” 31 ယေကေလည်း ပေတရုစာ အားတင်ရို့ ပြောလီရေ၊ “အကျွန် ကိုယ်တော်နအတူ သီဖို့ကျကေလည်းသောက် ကိုယ်တော်ကို အကျွန် မသိ ဟို့ တစ်ခါလည်း မငြင်းပါ။” အခြားတပည့်ရို့လည်း အားကုံးသူ တစ်ခွန်းတည်း စကားကို ပြောကတ်လီရေ။