Mark 14:43-50
ယေရှုကို ရန်သူရို့ ဖမ်းခြင်း
(မဿဲ ၂၆:၄၇-၅၆၊ လုကာ ၂၂:၄၇-၅၃၊ ယောဟန် ၁၈:၁-၁၂)
43ယေရှု စကားပြောနီတုံးမာ ယုဒရှကာရုတ်စာ ယင်းနေရာတို့ ရောက်လာလီရေ။ သူစာ တပည့်တစ်ဆယ့်နှစ်ယောက်အထဲက တစ်ယောက် ဖြစ်တေ။ သူနအတူ လူအများကြီး ဒုတ်န ဒါးန ပါလတ်ကတ်လီရေ။ ထိုလူရို့စာ ယဇ်ပုရောဟိတ်အကြီးရို့၊ ကျမ်းဆရာရို့ အရာ ဂေါင်းဆောင်ဝါကြီးရို့က ရွှတ်လိုက်သူရို့ ဖြစ်ကတ်တေ။ 44ယေရှုကို ရန်သူရို့အလက်မာ ဖမ်းပီးလီသူ ယုဒရှကာရုတ်စာ ယင်းအယင်က လူရို့ကို အမှတ်တရတစ်ခု ပီးရို့ ပြောလီရေ၊ “ငါ နမ်းရို့ နှုတ်ဆက်ဖို့သူစာ ယေရှု ဖြစ်တေ။ နင်ရို့ သူ့ကို ဖမ်းရို့ အစောင့်န ယူလားကတ်။” 45ယင်းအတွက်န ယုဒရှကာရုတ်စာ စိုက်စိုက် ယေရှုတို့ လာပြီးကေ၊ “ဆရာ!” ဟို့ ခေါ်ရို့ ယေရှုကို နမ်းလီရေ။ 46ယင်းခါ ထိုလူရို့စာ ယေရှုကို ဖမ်းကတ်လီရေ။ 47ယေရှုအနားမာ ရပ်ရို့ ဟိလီသူရို့အထဲက တစ်ယောက်စာ ကိုယ့်ဒါးရှည်ကို ထုတ်လီရေ အရာ သူစာ မဟာယဇ်ပုရောဟိတ် ကျွန်ကို ခွတ်ရို့ နားရွက်တစ်ဖက် ဖြတ်ချလိုက်လီရေ။ 48ယင်းနောက် ယေရှုစာ လူရို့ကို ပြောလီရေ၊ “သူခိုး-ဒါးမြကို ဖမ်းဖို့ လာစာပိုင် ဒုတ်န ဒါးတိကို ယူရို့ ကိုယ်ဘင်ရို့ ငါ့ကို ဖမ်းဖို့ လာကတ်စာလော? 49ငါ နိတိုင်း ဝိပဿနာကျောင်းမာ ကိုယ်ဘင်ရို့ ရှိက သွန်သင်ပီးရို့ နီလီရေ၊ ယေကေလည်း ကိုယ်ဘင်ရို့ ယင်းခါ ငါ့ကို မဖမ်းလီကတ်ကား! အမှန် ဘုရားသတင်းပို့သူရို့ ရွီးထားခစာ ကျမ်းစာတိ ပြည့်စုံရဖို့။” 50ယင်းခါ တပည့်ရို့ အားကုံးသူ ယေရှုကို စွန့်ရို့ ထွက်ဗြီးလားခကတ်လီရေ။
Copyright information for
RmzSC