Mark 3:1-6
အလက်သောင်သူတစ်ယောက် အကောင်းဖြစ်ခြင်း
(မဿဲ ၁၂:၁-၈၊ လုကာ ၆:၁-၅)
1ယင်းနောက် ယေရှုစာ တရားဇရပ်တို့ ပြန်ရို့ ကြွလီရေ။ ယင်းနေရာမာ အလက်တစ်ဖက် သောင်သူတစ်ယောက် ဟိလီရေ။ 2ယင်းခါ ဖာရိရှဲအဖွဲ့သားရို့အထဲက လိုင်းကေယောက် ယေရှုကို အပြစ်တင်ဖို့ အခွင့်ကို ရှာနီကတ်လီရေ။ ယင်းအတွက်န သတင်းနိမာ ယေရှု ရောဂါသေကို အကောင်း လုပ်လော မလုပ်လောဆိုစာကို သူရို့ အရေးစိုက်ရို့ မျက်စိချထားကတ်လီရေ။ 3ယေရှုစာ အလက်သောင်သူကို ပြောလီရေ၊ “အားကုံးသူ ရှိက လာရို့ ရပ်ခလိုက်။” 4ယင်းနောက် ယေရှုစာ ဖာရိရှဲအဖွဲ့သားရို့ကို မီးလီရေ၊ “သတင်းနိမာ ကောင်းစာ အလုပ်ကို လုပ်ဖို့ သင့်ရေလော၊ မဟုတ်ကေ မကောင်းစာ အလုပ်ကို လုပ်ဖို့ သင့်ရေလော? အသက်ကို ကယ်ဆယ်ဖို့ သင့်ရေလော၊ မဟုတ်ကေ အသီသတ်ဖို့ သင့်ရေလော?” ယေကေလည်း ဖာရိရှဲအဖွဲ့သားရို့စာ တစ်ခုလည်း အဖြေမပီးဘိုင်းန တိန်းရို့ နီကတ်လီရေ။ 5ယင်းခါ ယေရှုစာ မန်ပါရို့ သူရို့ဖက်တို့ လှည့်ကြည့်လီရေ အရာ သူရို့မာ စိတ်နှလုံး ကျန်းရေအတွက်န ကောင်းကောင်း စိတ်ဆိုးပြီးကေ ရောဂါသေကို ပြောလီရေ၊ “နင့်အလက်ကို ဆန့်။” ယင်းခါ သူစာ အလက် ဆန့်ရေချက်ချင်း သူ့မာ အလက်စာ ပကတိအကောင်း ဖြစ်လားခလီရေ။ 6ယင်းခါ ဖာရိရှဲအဖွဲ့သားရို့စာ ပြင်တို့ ထွက်လားခကတ်လီရေ အရာ ယေရှုကို ဇာပိုင် နည်းန အသီသတ်ရဖို့လည်း ဆိုပြီးကေ ဟေရုဒ်မင်း အဖွဲ့သားရို့န တိုင်ဘင်ကတ်လီရေ။
Copyright information for
RmzSC