Mark 4:30-34
ရဲစိ ပုံဥပမာ
(မဿဲ ၁၃:၃၁-၃၃၊ လုကာ ၁၃:၁၈-၂၁)
30ယင်းနောက် ယေရှုစာ ပြောလီရေ၊ “ထာဝရဘုရား၏ နိုင်ငံတော်ကို ငါရို့ ဇာန နှိုင်းယှဉ်ရဖို့လည်း? ဇာ ပုံဥပမာကို အသုံးပြုရို့ ရှင်းပြရဖို့လည်း? 31ထာဝရဘုရား၏ နိုင်ငံတော်စာ ရဲစိတစ်စိနတူရေ။ ထို ရဲစိကို လယ်မာ ကြဲရေခါ ဟိသမျ မျိုးစိတိထက် အသျှေဆုံး ဖြစ်တေ။ 32ယေကေလည်း ကြဲပြီးရေနောက် အညှောင့် ထွက်ရို့ ကြီးလာရေ အရာ ထို ရဲပင်စာ ဟိသမျ ဟင်းသီးဟင်းရွက်အပင်တိထက် အကြီးဆုံး အပင် ဖြစ်လာရေ။ ယင်းခါ ထိုအပင်အခက်အလက်တိမာ ငှက်တိ လာရို့ တင်းတည်ကတ်တေ။” 33ယေရှုစာ ထာဝရဘုရား၏ နိုင်ငံတော် အကြောင်းကို အရာလည်း အများကြီး ပုံဥပမာကို အသုံးပြုရို့ လူရို့ဘားမာ ဟောပြောလီရေ။ သူစာ လူရို့ နားလည်ဖို့စာလှောက်ရာ သူရို့ဘားမာ ဟောပြောလီရေ။ 34သူစာ ပုံဥပမာ အသုံးမပြုဘိုင်းန သွန်သင် မပီးလီ၊ ယေကေလည်း တပည့်ရို့ သက်သက် ကိုယ်နအတူ နီရေခါ ဟိသမျ အားကုံးကို ရှင်းပြလီရေ။
Copyright information for
RmzSC