Mark 7:14-23
မသန့်စင်စာ အကြောင်းကို သွန်သင်ခြင်း
(မဿဲ ၁၅:၁၀-၂၀)
14ယင်းနောက် သူစာ အရာတစ်ပြန် လူရို့ကို ကိုယ့်အနားတို့ ခေါ်ရို့ ပြောလီရေ၊ “ကိုယ်ဘင်ရို့ အားကုံးသူ ငါ့စကားကို နားထောင်ရို့ နားလည်ကတ်။ 15ပြင်ကနီရို့ လူပစတို့ ဝင်စာတိစာ လူကို မသန့်စင်အောင် မလုပ်နိုင်၊ ယေကေလည်း လူပစက ထွက်လာစာတိရာ လူကို မသန့်စင်အောင် လုပ်တေ။ 16 ▼▼ပထမဆုံး ရွီးလီစာ ဂရိဘာသာ ကျမ်းစာအဟောင်းတိမာ ဒေ အခန့်ငယ် ၁၆-မာ စကားတိ ရွီးရို့ မဟိပါ။
ငါ့စကားကို နားထောင်ချင်သူရို့ နားထောင်ကတ်။” 17ယင်းနောက် ယေရှုစာ လူရို့ကို ထားဘိုက်ခရို့ အိမ်ထဲတို့ ဝင်လီရေ။ ယင်းခါ တပည့်ရို့စာ ယေရှု ပြောစာစကား အဓိပ္ပါယ်ကို မီးကတ်လီရေ။ 18ယေရှုစာ သူရို့ကို ပြောလီရေ၊ “နင်ရို့ ကောင်းကောင်း ညာဏ် နည်းကတ်တေကား! ပြင်ကနီရို့ လူအဝမ်းထဲတို့ ဝင်စာတိစာ လူကို မသန့်စင်အောင် မလုပ်နိုင်ဆိုစာကို နင်ရို့ နားမလည်ကတ်သိလော? 19အကြောင်းကား ပြင်ကနီရို့ လူအဝမ်းထဲတို့ ဝင်စာတိစာ စိတ်နှလုံးတို့ မဝင်၊ ယေကေလည်း လူအဝမ်းထဲတို့ရာ ရောက်လားခရေ အရာ နောက်ဆုံးပြီးမာ အစာကြီရို့ လူခန္ဓာက ထွက်လားခရေ။” ထိုစကားတိကို ပြောစာကနီရို့ ဟိသမျ အစားအစာ သန့်စင်ရေဆိုစာကို ယေရှု ရှင်းပြလီရေ။ 20ယေရှုစာ အရာလည်း ပြောလီရေ၊ “လူစိတ်နှလုံးက ထွက်လာစာတိစာ လူကို မသန့်စင်အောင် လုပ်တေ၊ 21– 22အကြောင်းကား မကောင်းစာ စဉ်းစားချက်၊ ဟိသမျ ကာမဂုဏ် လိုက်စားခြင်း၊ ခိုးခြင်း၊ လူအသက်ကို သတ်ခြင်း၊ လောဖတတ်ခြင်း၊ အခြားတစ်ယောက်ကို ဖျက်စီးဖို့ သဖေါထားခြင်း၊ လိမ်စားခြင်း၊ အကျင့်ပျက်ခြင်း၊ ပုတ်ခတ်ရို့ စကားပြောခြင်း၊ ဘဝင်မြင့်ခြင်း အရာ ပညာတုံးခြင်းတိ လူစိတ်နှလုံးထဲက ထွက်လာရေ။ 23ထို ဟိသမျ ဆိုးယုတ်ခြင်းတိစာ လူအထဲက ထွက်လာရေ အရာ လူကို မသန့်စင်အောင် လုပ်တေ။”
Copyright information for
RmzSC