Matthew 12:9-14
အလက်သောင်သူတစ်ယောက် အကောင်းဖြစ်ခြင်း
(မာကု ၃:၁-၆၊ လုကာ ၆:၆-၁၁)
9ယင်းနောက် ယေရှုစာ ယင်းနေရာက ထွက်ရို့ တရားဇရပ်တစ်ခုတို့ ကြွလီရေ။ 10ယင်းတရားဇရပ်မာ အလက်တစ်ဖက် သောင်သူတစ်ယောက် ဟိလီရေ။ ယင်းခါ ဖာရိရှဲအဖွဲ့သား လိုင်းကေယောက်စာ ယေရှုကို အပြစ်တင်ဖို့ လိုရို့ မီးကတ်လီရေ၊ “ဆရာ၊ မောရှေ၏ ပညှတ်တရားအတိုင်း သတင်းနိမာ မကျန်းမာသူတစ်ယောက်ကို ကျန်းမာအောင် လုပ်ဖို့ သင့်ပါရေလော?” 11ယင်းခါ ယေရှုစာ သူရို့ကို ပြောလီရေ၊ “ကိုင်လိုက်ဖိ၊ ကိုယ်ဘင်ရို့အထဲက လူတစ်ယောက်မာ သိုးဆိတ်တစ်ကောင် ဟိရေ။ ယင်းသိုးဆိတ်စာ သတင်းနိမာ တွင်းထဲတို့ ကျလားခရေဆိုကေ သူစာ ယင်းသိုးဆိတ်ကို ကောက်ရို့ တင်ရေ မဟုတ်လော? 12ယေကေလည်း လူကား သိုးဆိတ်ထက် ပိုရို့ တန်ဖိုး ဟိရေ။ ယင်းပိုင်ဆိုကေ ပညှတ်တရားအတိုင်း သတင်းနိမာ ကောင်းစာ အလုပ်ကို လုပ်ဖို့ သင့်ရေ။” 13ယင်းနောက် သူစာ ထိုအလက်သောင်သူကို ပြောလီရေ၊ “နင့်အလက်ကို ဆန့်။” ယင်းခါ သူစာ အလက် ဆန့်ရေချက်ချင်း သူ့မာ အလက်စာ ကောင်းလားခလီရေ အရာ အခြားအလက်ပိုင် ပကတိအကောင်း ဖြစ်လားခလီရေ။ 14ယင်းခါ ဖာရိရှဲအဖွဲ့သားရို့စာ ပြင်တို့ ထွက်လားခကတ်လီရေ အရာ ယေရှုကို အသီသတ်ဖို့အတွက် ကိုယ်ရို့အချင်းချင်း အကြံခံကတ်လီရေ။
Copyright information for
RmzSC