Matthew 13:53-58
နာဇရက်မြို့သျှေသားရို့ ယေရှုကို ငြင်းပယ်ခြင်း
(မာကု ၆:၁-၆)
53ယေရှုစာ ပုံဥပမာတိကို တင်ပြရို့ ပြီးရေခါ ယင်းနေရာက ထွက်ရို့ ကြွလီရေ။ 54ယင်းနောက် သူစာ ကိုယ်ကြီးပြင်းခစာ နာဇရက်မြို့သျှေတို့ ရောက်တေခါ တရားဇရပ်မာ လူရို့ကို သွန်သင်ပီးလီရေ။ အရာ လူရို့စာ သူ့စကားကို ကြားရေခါ အံ့ဩရို့ ပြောကတ်လီရေ၊ “ဒေသူမာ ဒေ ပညာန အံ့ဩဖွယ်အလုပ် လုပ်ဖို့စာတန်ခိုးတိ ဇာက ရခီရေလည်း? 55ဒေသူ လက်သမားသား မဟုတ်လော? သူ့အမိနာမည် မာရိ မဟုတ်လော? အရာ သူ့မာ ညီရို့စာ ယာကုပ်၊ ယောသပ်၊ ရှိမုန် အရာ ယုဒ မဟုတ်လော? 56အရာ သူ့မာ နမှရို့လည်း ငါရို့နအတူ ဟိကတ်တေ မဟုတ်လော? ယင်းပိုင်ဆိုကေ ဒေသူ ဒေ ပညာတိန တန်ခိုးတိကို ဇာက ရခီရေလည်း?” 57လူရို့မာ ဒေပိုင် စဉ်းစားချက် အကြောင်းန သူရို့စာ ယေရှုကို လက်ခံဖို့ မနိုင်ကတ်လီ။ ယင်းခါ သူစာ လူရို့ကို ပြောလီရေ၊ “ဘုရားသတင်းပို့သူရို့စာ ကိုယ့်ရွာန ကိုယ့်အိမ်ကို ပယ်ရို့ အခြား ဟိသမျ နေရာမာ ရိုသေခြင်းကို ရကတ်တေ။” 58လူရို့ ကိုယ့်ကို မကျုံရေအတွက်န သူစာ ယင်းမြို့မာ အံ့ဩဖွယ်အလုပ် အများ မလုပ်ခလီဗျာ။
Copyright information for
RmzSC