Mat 20:17-19 | RmzSC | STEP | ယင်းနောက် ယေရှုစာ ယေရုရှလင်မြို့တို့ လားရေလမ်းမာ ကိုယ့်တပည့်တစ်ဆယ့်နှစ်ယောက်ကို တစ်ဖက်တို့ ခေါ်ယူရို့ ပြောလီရေ၊

Matthew 20:17-19

ကိုယ်သီဖို့စာ အကြောင်းကို တတိယခေါက် ပြောပြခြင်း

(မာကု ၁၀:၃၂-၃၄၊ လုကာ ၁၈:၃၁-၃၄)

17 ယင်းနောက် ယေရှုစာ ယေရုရှလင်မြို့တို့ လားရေလမ်းမာ ကိုယ့်တပည့်တစ်ဆယ့်နှစ်ယောက်ကို တစ်ဖက်တို့ ခေါ်ယူရို့ ပြောလီရေ၊ 18 “နားထောင်ကတ်၊ ငါရို့ ဒေဂု ယေရုရှလင်မြို့တို့ လားကတ်စာ ဖြစ်တေ။ ထိုမြို့မာ လူရို့စာ မနုသသားတော်ကို ဖမ်းရို့ ယဇ်ပုရောဟိတ်အကြီးရို့န ကျမ်းဆရာရို့အလက်မာ အပ်ကတ်လိမည်။ ထိုဂေါင်းဆောင်ရို့စာ သူ့ကို တရားစစ်ဆေးရို့ သီဒါဏ် ပီးကတ်လိမည်။ 19 အရာ သူရို့စာ သူ့ကို ရယ်သွန်းပြုဖို့အတွက်၊ ကြိမ်ဒါဏ်ပီးဖို့အတွက် အရာ ကားတိုင်မာ တင်ရို့ အသီသတ်ဖို့အတွက် ယုဒမဟုတ်သူရို့အလက်မာ အပ်ကတ်လိမည်။ ယေကေလည်း သူစာ သုံးရက်နိမာ သီရာက ပြန်ရှင်ထမြောင့်လိမည်။”