Matthew 24:36-41
မနုသသားတော် ဇာ အချိန်မာ ကြွလာဖို့လည်း?
(မာကု ၁၃:၃၂-၃၇၊ လုကာ ၁၇:၂၅-၃၆)
36“ထိုအချိန်န ထိုနိရက်ကို တစ်ယောက်လည်း မသိကတ် အရာ သားတော်န ဂေါင်းခင်နတ်သားရို့လည်း မသိကတ်၊ ယေကေလည်း အဖ တစ်ပါးတည်းရာ သိရေ။ 37နောဧလက်ထက်ခါ ဖြစ်ပျက်လီစာပိုင် မနုသသားတော် ကြွလာရေအချိန်မာလည်း ယင်းပိုင်တထန် ဖြစ်လိမည်။ 38ရီမင်းမကြီးခင်နိရက်အယင်က နောဧရို့ အိမ်သား သင်္ဘောမာ မတက်သကြား လူရို့စာ စားသောက်ကတ်လီရေ၊ အိမ်ထောင်ပြုကတ်လီရေ အရာ သားသမီးရို့ကို အိမ်ထောင်ချကတ်လီရေ။ 39သူရို့ အားကုံးသူ ရီမင်းကြီးရာမာ မပါသကြား တစ်ခုလည်း မသိရကတ်လီ။ မနုသသားတော် ကြွလာရေအချိန်မာလည်း ယင်းပိုင်တထန် ဖြစ်ပျက်လိမည်။ 40ယင်းခါ လယ်ပြင်မာ အလုပ်လုပ်နီစာ လူနှစ်ယောက်အထဲက တစ်ယောက်ကို ထားဘိုက်ခရို့ အခြားတစ်ယောက်ကို တင်ယူလိမည်။ 41အရာ ဆုံမာ စပါးထောင်းနီစာ မိန်းမနှစ်ယောက်အထဲက တစ်ယောက်ကို ထားဘိုက်ခရို့ အခြားတစ်ယောက်ကို တင်ယူလိမည်။
Copyright information for
RmzSC