Mat 26:26-30 | RmzSC | STEP | သူရို့ စားသောက်ကတ်တေခါ ယေရှုစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ။ ယင်းနောက် သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ယော၊ စားကတ်၊ ဒေ ပေါင်မုန့်စာ ငါ့အသား ဖြစ်တေ။”

Matthew 26:26-30

အသျှင်၏ ပွဲတော်မင်္ဂလာ

(မာကု ၁၄:၂၂-၂၆၊ လုကာ ၂၂:၁၄-၂၀၊ ၁ကောရိန္သု ၁၁:၂၃-၂၅)

26 သူရို့ စားသောက်ကတ်တေခါ ယေရှုစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ။ ယင်းနောက် သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ယော၊ စားကတ်၊ ဒေ ပေါင်မုန့်စာ ငါ့အသား ဖြစ်တေ။” 27 ယင်းနောက် သူစာ စပျစ်ရည် ခွက်ကို ယူရို့ ထာဝရဘုရားကို ကျေးဇူးတင်လီရေ အရာ ယင်းစပျစ်ရည် ခွက်ကို တပည့်ရို့ကို ပီးရို့ ပြောလီရေ၊ “ဒေ စပျစ်ရည်ကို နင်ရို့ အားကုံးသူ သောက်ကတ်၊ 28 အကြောင်းကား ဒေ စပျစ်ရည်စာ ငါ့သွီး ဖြစ်တေ။ လူအများကြီး အပြစ် ခွင့်ရွှတ်ခြင်းကို ရပတ်စီအတွက် ငါ့မာ ဒေ သွီးကို သွန်းလောင်းပီးဖို့။ လူရို့အတွက် ငါ့မာ ဒေ သွီးန ထာဝရဘုရား၏ စာချုပ်အသစ်ကို ထိုးရေ။ 29 ငါ နင်ရို့ကို ပြောရေ၊ ဒေဂုကပင်စရို့ ငါ့အဖ၏ နိုင်ငံတော်မာ ငါ နင်ရို့နအတူ ထိုင်ရို့ စပျစ်ရည်အသစ်ကို မသောက်သကြား ငါ အရာ တစ်ခါလည်း စပျစ်ရည် မသောက်ပျာ။” 30 ယင်းနောက် သူရို့စာ တေခြင်းတစ်ပုဒ် ဆိုပြီးကေ မြို့က ထွက်ရို့ သံလွင်တောင်တို့ တက်ကတ်လီရေ။