Matthew 26:71-75
71ယင်းနောက် သူစာ လမ်းခဝနားတို့ လားခလီရေ။ အရာ အခြားကျွန်မသျှေတစ်ယောက်စာ သူ့ကို မြင်ရေခါ ယင်းမာ ဟိကတ်စာ လူရို့ကို ပြောလီရေ၊ “ဒေ အမောင်ကား နာဇရက်မြို့သျှေသား ယေရှုနအတူ ဟိလီရေ။” 72ယင်းခါ ပေတရုစာ အကျိန်ကိုင်ရို့ အရာတစ်ပြန် ငြင်းလီရေ၊ “ငါ ယင်းလူကို မသိ။” 73ယင်းနေရာမာ ရပ်ရို့ ဟိလီကတ်သူရို့စာ တစ်နားနီရေခါ ပေတရုတို့ လာရို့ ပြောကတ်လီရေ၊ “နင် အမှန် ထိုသူရို့အဖွဲ့သား တစ်ယောက် ဖြစ်တေ၊ အကြောင်းကား နင့်စကား ပြောပုံကို ကြားရို့ ငါရို့ သိရရေ။” 74ယင်းခါ သူစာ ကိုယ့်ကိုကိုယ် ပဌနာထည့်ပြီးကေ အကျိန်ကိုင်ရို့ ပြောလီရေ၊ “ငါ ယင်းသူကို အသျှင်းလည်း မသိ။” ယင်းခါ ချက်ချင်း ကြက်တွန်လီရေ။ 75ယင်းခါ ပေတရုစာ ယေရှု ပြောစာစကားကို တွက်ရလီရေ။ ယင်းအယင်က ယေရှုစာ သူ့ကို ပြောလီရေ၊ “ကြက်မတွန်ခင်အယင်က နင် ငါ့ကို မသိ ဟို့ သုံးခေါက်တိုင်အောင် ငြင်းလိမည်။” ယင်းခါ သူစာ ပြင်တို့ ထွက်လားခပြီးကေ ကောင်းကောင်း ဝမ်းနည်းရို့ ငိုလီရေ။
Copyright information for
RmzSC