Matthew 27:27-31
စစ်သားရို့ ယေရှုကို ရယ်သွန်းပြုခြင်း
(မာကု ၁၅:၁၆-၂၀၊ ယောဟန် ၁၉:၁-၃)
27ယင်းနောက် အုပ်ချုပ်သူကြီးပိလတ်မာ စစ်သားရို့စာ ယေရှုကို နန်းထဲတို့ သွင်းယူလားခကတ်လီရေ အရာ ဟိသမျ စစ်သားရို့ကို ယေရှု လေးဖက်လက်စိမာ ဝန်းထားစီလီရေ။ 28သူရို့စာ ယေရှု ခန္ဓာက အဝတ်တိကို ချွတ်ရို့ ကြက်သွီးရောင်အဝတ်ကို ဝတ်ပီးကတ်လီရေ။ 29ယင်းနောက် သူရို့စာ စူးခက်ကို သရဖူတစ်ခု လုပ်ရို့ ယေရှု အဂေါင်းမာ ဆောင်းကတ်လီရေ အရာ သူ့ညာဖက်အလက်မာ မင်းကိုင်စာ တောင်မိတစ်ချောင်း အပ်ကတ်လီရေ။ ယင်းနောက် သူရို့စာ သူ့ရှိက ဒူးထောက်ပြီးကေ ရယ်သွန်းပြုရို့ ပြောကတ်လီရေ၊ “အိုး ယုဒလူမျိုးရို့မာ မင်း၊ မင်္ဂလာ ဟိပါစီ!” 30ယင်းခါ သူရို့စာ ယေရှု ခန္ဓာမာ တန်းဆီးဘိုက်ကတ်လီရေ အရာ ထိုဒုတ်န ယေရှုအဂေါင်းမာ အပြန်ပြန် ခေါက်ကတ်လီရေ။ 31စစ်သားရို့စာ ယေရှုကို ရယ်သွန်းပြုပြီးရေခါ သူ့ခန္ဓာက ကြက်သွီးရောင်အဝတ်ကို ချွတ်ပြီးကေ သူ့အဝတ်တိကို ပြန်ရို့ ဝတ်ပီးကတ်လီရေ။ ယင်းနောက် သူရို့စာ သူ့ကို ကားတိုင်မာ တင်ရို့ သတ်ဖို့အတွက် ယူလားကတ်လီရေ။
Copyright information for
RmzSC