Matthew 27:57-61
ယေရှုကို သင်္ဂြိုဟ်ခြင်း
(မာကု ၁၅:၄၂-၄၇၊ လုကာ ၂၃:၅၀-၅၆၊ ယောဟန် ၁၉:၃၈-၄၂)
57ယင်းနိ နီဝင်လာရေခါ ယောသပ်နာမည်န အရိမသဲမြို့သား သူဌေးတစ်ယောက်စာ ယေရုရှလင်မြို့တို့ လာလီရေ။ သူလည်းသောက် ယေရှု တပည့်တစ်ယောက် ဟိလီရေ။ 58သူစာ အုပ်ချုပ်သူကြီးပိလတ်တို့ လားရို့ ယေရှု အကောင်တော်ကို တောင်းလီရေ။ ယင်းခါ အုပ်ချုပ်သူကြီးစာ ယေရှု အကောင်တော်ကို ယောသပ်ကို ပီးဖို့အတွက် ကိုယ့်စစ်သားရို့ကို အာဏာချလိုက်လီရေ။ 59ယင်းခါ ယောသပ်စာ ယေရှု အကောင်တော်ကို ယူလားရို့ ခြေသားအဝတ်န ရိုက်လီရေ။ 60ယင်းနောက် သူစာ ယေရှု အကောင်တော်ကို ကိုယ့်အတွက် တောင်ကို ထွင်းထားစာ သင်္ချိုင်းဂူအသစ်မာ ထားလီရေ။ ယင်းနောက် သူစာ သင်္ချိုင်းဂူဝမာ ကျောက်လုံးကြီးတစ်လုံးကို ပိတ်ရို့ ထားဘိုက်ခလီရေ။ 61မာဂဒလမြို့သမ မာရိန အခြားမာရိစာ သင်္ချိုင်းဂူ ရှိက ထိုင်ရို့ ကြည့်နီကတ်လီရေ။
Copyright information for
RmzSC