Mat 5:43-48 | RmzSC | STEP | “‘နင့် အိမ်နားပါးသားကို ချစ်ရဖို့ အရာ နင့် ရန်သူကို မုန်းရဖို့’ ဟို့ ပီးလီစာ ပညှတ်ချက်ကိုလည်း နင်ရို့ ကြားဖူးကတ်ပျာ။

Matthew 5:43-48

ရန်သူကို ချစ်ရဖို့စာ အကြောင်း

(လုကာ ၆:၂၇-၂၈၊ ၆:၃၂-၃၆)

43 “‘နင့် အိမ်နားပါးသားကို ချစ်ရဖို့ အရာ နင့် ရန်သူကို မုန်းရဖို့’ ဟို့ ပီးလီစာ ပညှတ်ချက်ကိုလည်း နင်ရို့ ကြားဖူးကတ်ပျာ။ 44 ယေကေလည်း ငါ နင်ရို့ကို ပြောရေ၊ နင်ရို့စာ ကိုယ်ရို့မာ ရန်သူရို့ကိုလည်း ချစ်ကတ် အရာ နင်ရို့ကို ညှဉ်းဆဲသူရို့အတွက် ထာဝရဘုရားဘားမာ ဆုတောင်းပီးကတ်။ 45 ယင်းပိုင်ဆိုကေ နင်ရို့စာ နင်ရို့မာ ဂေါင်းခင်ဘုံသျှင် အဖ၏ သားသမီး ဖြစ်ကတ်လိမည်။ ထာဝရဘုရားစာ လူဆိုး-လူကောင်း အားကုံးသူကို နီအလင်းရောင် ပီးရေ အရာ ရိုးသားသူ-မရိုးသားသူ အားကုံးသူကို မိုးချပီးရေ။ 46 နင်ရို့စာ သက်သက် ကိုယ်ရို့ကို ချစ်သူရို့ကိုရာ ချစ်ကတ်တေဆိုကေ နင်ရို့ ဇာ ဆုကို ရကတ်ဖို့စာလည်း? ဖန်ဒါကောက်သမားရို့လည်း ယင်းပိုင် လုပ်နီကတ်တေ။ 47 အရာ နင်ရို့စာ သက်သက် ကိုယ့်လူရို့ကိုရာ နှုတ်ဆက်ကတ်တေဆိုကေ အခြားလူရို့ထက် ဇာပိုင် ခွဲခြားမှု ဟိရေလည်း? ထာဝရဘုရားကို မသိသူရို့လည်း ယင်းပိုင် လုပ်နီကတ်တေ။ 48 ယင်းအတွက်န ငါ ပြောမည်၊ နင်ရို့မာ ဂေါင်းခင်ဘုံသျှင် အဖ အပြည့်အစုံ စင်ကြယ်စာပိုင် နင်ရို့လည်း အပြည့်အစုံ စင်ကြယ်ကတ်။