Matthew 8:28-34
နတ်ဆိုးကိုင်သူနှစ်ယောက် အကောင်းဖြစ်ခြင်း
(မာကု ၅:၁-၂၀၊ လုကာ ၈:၂၆-၃၉)
28ယင်းနောက် ယေရှု မြစ်ကမ်းတစ်ဖက်ကဟိစာ ဂါဒရလူမျိုးရို့ နီထိုင်စာ အရပ်တို့ ကြွလီရေ။ ယင်းခါ နတ်ဆိုးကိုင်စာ လူနှစ်ယောက် သင်္ချိုင်းက ထွက်ရို့ ယေရှုတို့ လာကတ်လီရေ။ သူရို့စာ ကောင်းကောင်း ကြောက်လန့်ဖွယ်ရာ ဟိကတ်လီရေ။ ယင်းအတွက်န ယင်းလမ်းက တစ်ယောက်လည်း လားဖို့ မဝံ့ကတ်လီ။ 29သူရို့စာ အားန အော်ရို့ ပြောကတ်လီရေ၊ “အိုး ထာဝရဘုရား၏ သားတော်၊ ကိုယ်ဘင် အကျွန်ရို့န ဇာ ဆိုင်ပါစာလည်း? ကိုယ်ဘင် အချိန်မတိုင်ခါပင် အကျွန်ရို့ကို ဝေဒနာ ပီးဖို့အတွက် ဒေ နေရာတို့ ကြွလာပါစာလော?” 30ယင်းခါ သူရို့န မနီးမဝီး ဝက်အရွီကြီးတစ်ရွီ အစာစားရို့ ဟိလီရေ။ 31နတ်ဆိုးရို့စာ ယေရှုကို တောင်းပန်ကတ်လီရေ၊ “ကိုယ်ဘင် အကျွန်ရို့ကို နှင်ထုတ်ချင်ရေဆိုကေ ထိုဝက်တိဘားမာ ဝင်ဖို့အခွင့် ပီးပါ။” 32ယေရှုစာ သူရို့ကို ပြောလီရေ၊ “ယင်းပိုင်ဆိုကေ လားလီ။” ယင်းခါ နတ်ဆိုးတိစာ ထိုလူနှစ်ယောက်က ထွက်ရို့ ဝက်တိဘားမာ ဝင်ကတ်လီရေ။ ယင်းအတွက်န ထိုဝက်တိစာ မြစ်ကမ်းနားတို့ တစ်ဟုန်တည်း ဗြီးဆင်းရို့ ရီမာ နစ်ရို့ သီလားခလီရေ။ 33ယင်းခါ ဝက်ကျောင်းသားရို့စာ ရွာတို့ ဗြီးလားရို့ ဖြစ်ပျက်ခြင်းတိကို လူရို့ဘားမာ ပြောပြကတ်လီရေ။ အရေးကြီးဆုံး ဖြစ်တေကား၊ ထိုနတ်ဆိုးကိုင်စာ လူနှစ်ယောက် အကြောင်းကို ပြောပြကတ်လီရေ။ 34ယင်းခါ ယေရှုန အတွိခံဖို့အတွက် ရွာပြတ်သား ထွက်လာကတ်လီရေ။ အရာ သူရို့စာ ယေရှုန တွိကတ်တေခါ ကိုယ်ရို့အရပ်က ထွက်လားပတ်စီအတွက် ယေရှုကို တောင်းပန်ကတ်လီရေ။
Copyright information for
RmzSC