Matthew 9:18-26
မိန်းမနှစ်ယောက် အကောင်းဖြစ်ခြင်း
(မာကု ၅:၂၁-၄၃၊ လုကာ ၈:၄၀-၅၆)
18ယေရှု ထိုစကားတိကို ပြောနီရေခါ ယုဒဂေါင်းဆောင် တစ်ယောက်စာ သူ့တို့ လာပြီးကေ ရှိခိုးရို့ ပြောလီရေ၊ “ဆရာ၊ အကျွန့်မာ သမီးသျှေတစ်ယောက် ဒေဂု သီလားခပါသိရေ၊ ယေကေလည်း ကိုယ်ဘင် လာရို့ သူ့ခန္ဓာမာ အလက်တင်ရေဆိုကေ ပြန်ရှင်ပါဖို့။” 19ယင်းခါ ယေရှုန သူ့တပည့်ရို့စာ ထရို့ ထိုလူနအတူ လိုက်ကတ်လီရေ။ 20ယင်းခါ တစ်ဆယ့်နှစ်နှစ်ပတ်လုံး သွီးကျရောဂါ ဖြစ်နီစာ မိန်းမတစ်ယောက်စာ ယေရှုနောက်က လိုက်ရို့ ယေရှု ကိုယ်ရုံစွမ်ကို ကိုင်လီရေ။ 21အကြောင်းကား သူစာ စိတ်မာ မှတ်လီရေ၊ “ငါ သက်သက် သူ့ကိုယ်ရုံစွမ်ကို ကိုင်ဖို့ ရရေဆိုကေ ငါ့ ရောဂါကောင်းဖို့။” 22ယေရှုစာ နောက်တို့ လှည့်ကြည့်ရေခါ ယင်းမိန်းမကို မြင်ရို့ ပြောလီရေ၊ “အယွေ၊ မကြောက်ကေ့။ အယွေ ကျုံရေအတွက်န အယွေမာ ရောဂါ ကောင်းလားခဗျာ။” ယင်းခါကပင် ယင်းမိန်းမမာ ရောဂါကောင်းလားခလီရေ။ 23ယင်းနောက် ယေရှုစာ ထိုယုဒဂေါင်းဆောင် အိမ်တို့ ကြွလီရေ။ သူစာ ယင်းအိမ်မာ ရောက်တေခါ တီးမှုတ်သူရို့န ဝမ်းနည်းခြင်း ပြန်ရို့ ငိုသူရို့ကို မြင်လီရေ။ 24ယင်းခါ ယေရှုစာ ယင်းလူရို့ကို ပြောလီရေ၊ “နင်ရို့ ပြင်တို့ ထွက်လီကတ်။ ဒေ မိန်းမသျှေ မသီသိ၊ အိပ်နီစာရာ။” ယေရှု စကားကို ကြားရို့ လူရို့စာ ရယ်သွန်းပြုကတ်လီရေ။ 25လူရို့ကို ပြင်တို့ ထုတ်လိုက်ပြီးရေနောက် သူစာ အထဲအခန့်တို့ ဝင်ရို့ မိန်းမသျှေအလက်ကို ကိုင်လီရေ အရာ ယင်းမိန်းမသျှေစာ ချက်ချင်း ထရို့ ထိုင်လီရေ။ 26ထိုဖြစ်ပျက်ခြင်း အကြောင်းကို တစ်ပြည်နယ်လုံးသား ကြားရကတ်လီရေ။
Copyright information for
RmzSC