Luke 11:33-36
မျက်စိစာ ကိုယ်ခန္ဓာ၏ ဆီမီးခွက် ဖြစ်ခြင်း
(မဿဲ ၅:၁၅၊ ၆:၂၂-၂၃)
33“ဆီမီးခွက်ကို ထွန်းရို့ တစ်ယောက်လည်း ကွယ်ရာမာ မထား မဟုတ်ကေ တောင်းချုပ်ရို့ မထား။ ယင်းထက်ပင် အိမ်ထဲတို့ ဝင်လာသူရို့ အလင်းကို ရကတ်ပတ်စီအတွက် ဆီမီးခွက်ကို ခုံထက်မာရာ တင်ထားရေ။ 34ကိုယ်ဘင်မာ မျက်စိစာ ကိုယ်ဘင် ခန္ဓာ၏ ဆီမီးခွက် ဖြစ်တေ။ ကိုယ်ဘင်မာ မျက်စိ ကောင်းရေဆိုကေ ကိုယ်ဘင်မာ ခန္ဓာတစ်ကိုယ်လုံး အလင်းနပြည့်စုံလိမည်၊ ယေကေလည်း ကိုယ်ဘင်မာ မျက်စိ မကောင်းဆိုကေ ကိုယ်ဘင်မာ ခန္ဓာတစ်ကိုယ်လုံး မှောင်မိုက်လိမည်။ 35ယင်းအတွက်န ကိုယ်ဘင် ခန္ဓာမာဟိစာ အလင်းစာ အမိုက်မှောင် မဖြစ်လတ်အောင် သတိထားရဖို့။ 36ကိုယ်ဘင်မာ ခန္ဓာတစ်ကိုယ်လုံး အလင်းန ပြည့်စုံရေဆိုကေ အရာ အမိုက်မှောင် တစ်ဖဲ့လည်း မဟိဆိုကေ ကိုယ်ဘင်မာ ခန္ဓာတစ်ကိုယ်လုံး တောက်ပြောင်လိမည်။ ယင်းခါ ဆီမီးခွက် အလင်းရောင်ပိုင် ကိုယ်ဘင်မာ ခန္ဓာတစ်ကိုယ်လုံး တောက်ပြောင်လိမည်။”
Copyright information for
RmzSC