Luke 13:18-21
ရဲစိန တဆီး ပုံဥပမာ
(မဿဲ ၁၃:၃၁-၃၃၊ မာကု ၄:၃၀-၃၂)
18ယင်းနောက် ယေရှုစာ ပြောလီရေ၊ “ထာဝရဘုရား၏ နိုင်ငံတော်စာ ဇာနတူရေလည်း? ငါ ဇာန နှိုင်းယှဉ်ရဖို့လည်း? 19ထာဝရဘုရား၏ နိုင်ငံတော်စာ ရဲစိတစ်စိနတူရေ။ လူတစ်ယောက်စာ ထို ရဲစိကို ယူရို့ ကိုယ့်ဥယျာဉ်မာ စိုက်လီရေ။ ယင်းနောက် အညှောင့် ထွက်ရို့ ကြီးလာရေခါ ပကတိအပင်တစ်ပင် ဖြစ်လီရေ။ ယင်းခါ ငှက်တိ လာရို့ ထိုအပင်အခက်အလက်တိမာ တင်းတည်ကတ်လီရေ။” 20ယေရှုစာ အရာတစ်ပြန် ပြောလီရေ၊ “ထာဝရဘုရား၏ နိုင်ငံတော်ကို ဇာန နှိုင်းယှဉ်ရဖို့လည်း? 21ထာဝရဘုရား၏ နိုင်ငံတော်စာ တဆီးနတူရေ။ မိန်းမတစ်ယောက်စာ ထိုတဆီးကို ယူရို့ ဂျုံမုန့်တစ်ဆယ့်ရှစ်သိုက်မာ ရောလီရေ။ ယင်းအတွက်န ဟိသမျ ဂျုံမုန့်တိစာ ရော့တက်လီရေ။”
Copyright information for
RmzSC