Luke 23:13-25
ယေရှုကို သီဒါဏ်ပီးဖို့အတွက် တင်အပ်ခြင်း
(မာကု ၁၅:၆-၁၅)
13ယင်းခါ ပိလတ်စာ ယဇ်ပုရောဟိတ်အကြီးရို့၊ ယုဒဂေါင်းဆောင်ရို့ အရာ လူပရိတ်သတ်ရို့ကို ခေါ်ရို့ ပြောလီရေ၊ 14“ဒေသူ ကိုယ်ဘင်ရို့ လူမျိုးကို မှားယွင်းစာလမ်းတို့ ဆောင်ယူလားနီရေ ဆိုပြီးကေ ကိုယ်ဘင်ရို့ ဒေသူကို ငါ့တို့ ယူခကတ်လီရေ။ အရာ ငါ သူ့ကို ကိုယ်ဘင်ရို့ ရှိက စစ်ဆေးရို့ ကြည့်ပြီးဗျာ။ ယေကေလည်း ကိုယ်ဘင်ရို့ ဒေသူကို အပြစ်တင်စစ်စွဲစာတိ အမှန် သက်သီ တစ်ခုလည်း မရလီ။ 15ဟေရုဒ်လည်းသောက် အပြစ်တစ်ခုလည်း မရလီ၊ အကြောင်းကား သူစာ ဒေသူကို ငါ့တို့ ပြန်ပို့လိုက်လီရေ။ အရာ ဒေသူ သီဒါဏ် ခံလတ်အောင် အပြစ်တစ်ခုလည်း လုပ်စာ မဟိဆိုစာကို ကိုယ်ဘင်ရို့ မြင်ရကတ်တေ။ 16ယင်းအတွက်န ငါ သူ့ကို ကြိမ်ဒါဏ် ပီးရို့ ရွှတ်လိုက်ဖို့ဗျာ။” 17 ▼▼ ပထမဆုံး ရွီးလီစာ ဂရိဘာသာ ကျမ်းစာအဟောင်းတိမာ ဒေ အခန့်ငယ် ၁၇-မာ စကားတိ ရွီးရို့ မဟိပါ။
ပိလတ်မာ နှစ်တိုင်း လွတ်မြောင့်ခြင်းပွဲနိမာ ထောင်ကျသား တစ်ယောက်စီကို ရွှတ်ပီးဖို့စာ အလည့် ဟိလီရေ။ 18ယေကေလည်း လူရို့စာ တစ်ညီတည်း အော်ရို့ ပြောကတ်လီရေ၊ “သူ့ကို သီဒါဏ် ပီးလိုက်ပါ အရာ ဗာရဗ္ဗကို အကျွန်ရို့တို့ ရွှတ်ပီးလိုက်ပါ။” 19ထို ဗာရဗ္ဗစာ မြို့ထဲမာ တော်လန်မှု အကြောင်းန လူသတ်မှု အကြောင်း ထောင်ကျခံလီရေ။ 20ယေကေလည်း ပိလတ်စာ ယေရှုကို ရွှတ်ပီးချင်လီရေအတွက်န လူရို့ကို အရာတစ်ပြန် တစ်ခွန်းတည်း စကားကို ပြောလီရေ။ 21ယေကေလည်း လူရို့စာ၊ “ယင်းသူကို ကားတိုင်မာ တင်ရို့ သတ်ဘိုက်လိုက်ပါ၊ ကားတိုင်မာ တင်ရို့ သတ်ဘိုက်လိုက်ပါ” ဟို့ အားန အော်ရို့ ပြောနီကတ်လီရေ။ 22ပိလတ်စာ တတိယခေါက် လူရို့ကို မီးလီရေ၊ “ဇာဖို့လည်း၊ ဒေသူ ဇာ အပြစ် လုပ်လီရေလည်း? ဒေသူ သီဒါဏ် ခံလတ်အောင် ငါ ဒေသူမာ အပြစ်တစ်ခုလည်း မမြင်ရကား။ ယင်းအတွက်န ငါ ဒေသူကို ကြိမ်ဒါဏ် ပီးရို့ ရွှတ်လိုက်ဖို့ဗျာ။” 23ယေကေလည်း လူရို့စာ ယေရှုကို ကားတိုင်မာ တင်ရို့ သတ်ဖို့အတွက် အားန အော်ရို့ နီကတ်လီရေ အရာ နောက်ဆုံးပြီးမာ သူရို့ အော်ခြင်းစာ အောင်မြင်လီရေ။ 24ပိလတ်စာ လူရို့ တောင်းဆိုချက်အတိုင်း တရားစစ်ဆေးလိုက်ဖို့ဗျာ ဟို့ ဆုံးဖြတ်လီရေ။ 25တော်လန်မှု အကြောင်းန လူသတ်မှု အကြောင်း ထောင်ကျခံလီသူကို ရွှတ်ပီးဖို့အတွက် လူရို့စာ တောင်းဆိုရို့ ဟိကတ်လီရေ။ ယင်းအတွက်န သူစာ ဗာရဗ္ဗကို ထောင်က ရွှတ်လိုက်လီရေ အရာ လူရို့ အလိုအတိုင်း ယေရှုကို သီဒါဏ်ပီးဖို့အတွက် သူရို့အလက်မာ တင်အပ်လိုက်လီရေ။
Copyright information for
RmzSC