Luke 23:44-49
ယေရှု ကားတိုင်ထက်မာ အသက်စွန့်ခြင်း
(မဿဲ ၂၇:၄၅-၅၆၊ မာကု ၁၅:၃၃-၄၁၊ ယောဟန် ၁၉:၂၈-၃၇)
44– 45ယင်းချိန်စာ မွန်းတည့် တစ်ဆယ့်နှစ်နာရီလှောက် ဟိလီရေ။ ယင်းအချိန်ကပင်စရို့ နီကျသုံးနာရီတိုင်အောင် တစ်ပြည်လုံး မှိုင်းလားခလီရေ။ အရာ ယေရုရှလင်မြို့မာဟိစာ ဝိပဿနာကျောင်းမာ ကာထားစာ ရန်ကာစာ အထက်ကပင် အောက်တို့တိုင်အောင် စုတ်လားခလီရေ။ 46အရာ ယေရှုစာ၊ “အိုး အဖ၊ အကျွန့် ဝိညာဉ်ကို ကိုယ်တော်၏ အလက်မာ တင်အပ်လိုက်ပါရေ” ဟို့ အားန အော်ရို့ ပြောပြီးကေ အသက် စွန့်လီရေ။ 47ထိုဖြစ်ပျက်ခြင်းတိကို မြင်ရို့ ရောမ စစ်သရွဲတစ်ရာကိုပိုင်စာ စစ်ဗိုလ်တစ်ယောက်စာ ထာဝရဘုရားကို ချီမွမ်းရို့ ပြောလီရေ၊ “ဒေလူ အမှန် သူတော်ကောင်း တစ်ယောက် ဟိလီရေ။” 48ထိုနေရာမာ ဟိလီကတ်စာ လူပရိတ်သတ်ရို့စာ ထို ဟိသမျ ဖြစ်ပျက်ခြင်းကို မြင်ရို့ ဝမ်းနည်းပြီးကေ အိမ်တို့ ပြန်လားခကတ်လီရေ။ 49ယေရှုနအတူ ဂါလိလဲပြည်နယ်က လိုက်လာကတ်စာ မိန်းမရို့န သူန သိကျွမ်းသူရို့ အားကုံးသူ အဝီးက ရပ်ရို့ ဟိသမျ ဖြစ်ပျက်ခြင်းကို ကြည့်နီကတ်လီရေ။
Copyright information for
RmzSC