Luk 24:45-49 | RmzSC | STEP

Luke 24:45-49

45 – 46 ကျမ်းစာကို နားလည်ပတ်စီအတွက် သူစာ တပည့်ရို့မာ ညာဏ်မျက်စိကို ဖွင့်ပီးလီရေ အရာ သူရို့ကို ပြောလီရေ၊ “ကျမ်းစာမာ ရွီးရို့ ဟိစာကား၊ ခရစ်တော်စာ ဒုက္ခ-ဝေဒနာကို ခံရဖို့ အရာ သုံးရက်နိမာ သီရာက ပြန်ရှင်ထမြောင့်ရဖို့။ 47 အပြစ်က စိတ်လှည့်ရို့ လာရေဆိုကေ အပြစ် ခွင့်ရွှတ်ခြင်းကို ခံရရေ ဟို့ ယေရုရှလင်မြို့သားရို့ကပင် စရို့ ဟိသမျ လူမျိုးရို့ဘားမာ ခရစ်တော်၏ နာမည်န ဟောပြောရဖို့။ 48 နင်ရို့စာ ထို ဟိသမျ အကြောင်းအရာတိမာ သက်သီခံ ဖြစ်ကတ်တေ။ 49 နားထောင်ကတ်၊ ငါ့အဖ ပီးဖို့ ဂတိခံလီစာကို ငါ နင်ရို့တို့ ရွှတ်လိုက်မည်။ ဂေါင်းခင်ဘုံက တန်ခိုးကို မရသကြား နင်ရို့ ဒေမြို့မာ နီလီကတ်။”