Luk 4:38-41 | RmzSC | STEP | ယင်းနောက် ယေရှုစာ တရားဇရပ်က ထွက်ရို့ ရှိမုန် အိမ်တို့ ကြွလီရေ။ ရှိမုန်မာ ယောက္ခမအမသူစာ အဖျားကြီးတက်ရို့ ဟိလီရေ။ သူ့ကို ကောင်းအောင် လုပ်ဖို့အတွက် ယေရှုကို တောင်းပန်လီရေ။

Luke 4:38-41

ရောဂါသေ အများကြီး အကောင်းဖြစ်ခြင်း

(မဿဲ ၈:၁၄-၁၇၊ မာကု ၁:၂၉-၃၄)

38 ယင်းနောက် ယေရှုစာ တရားဇရပ်က ထွက်ရို့ ရှိမုန် အိမ်တို့ ကြွလီရေ။ ရှိမုန်မာ ယောက္ခမအမသူစာ အဖျားကြီးတက်ရို့ ဟိလီရေ။ သူ့ကို ကောင်းအောင် လုပ်ဖို့အတွက် ယေရှုကို တောင်းပန်လီရေ။ 39 ယင်းခါ ယေရှုစာ ရှိမုန် ယောက္ခမအနားမာ ရပ်ရို့ အဖျားကို ဟောက်လီရေ။ ယင်းခါ သူ့ခန္ဓာက အဖျားဆုတ်လားခလီရေ အရာ သူစာ ချက်ချင်း ထရို့ သူရို့ စားသောက်ဖို့အတွက် စီစဉ်လီရေ။

40 ယင်းနိ နီဝင်လာရေခါ လူရို့စာ ဟိသမျ ရောဂါသေရို့ကို ယေရှုတို့ ယူလာကတ်လီရေ။ သူရို့စာ အမျိုးမျိုး ရောဂါစွဲရို့ ဟိကတ်လီရေ။ ယေရှုစာ သူရို့ အားကုံးသူ ခန္ဓာမာ အလက်တင်ရို့ အကောင်း လုပ်လီရေ။ 41 ယင်းခါ လူအများကြီး ခန္ဓာက နတ်ဆိုးတိလည်း ထွက်လားခကတ်လီရေ။ ထိုနတ်ဆိုးတိစာ အော်ရို့ ပြောကတ်လီရေ၊ “ကိုယ်ဘင် ထာဝရဘုရား၏ သားတော် ဖြစ်ပါရေ။” ယေကေလည်း သူစာ ထိုနတ်ဆိုးတိကို စကားတစ်ခွန်းလည်း မပြောလတ်အောင် ဟောက်လီရေ၊ အကြောင်းကား ယေရှုကို ခရစ်တော် ဖြစ်တေ ဟို့ သူရို့ သိကတ်လီရေ။