Luke 6:6-11
အလက်သောင်သူတစ်ယောက် အကောင်းဖြစ်ခြင်း
(မဿဲ ၁၂:၉-၁၄၊ မာကု ၃:၁-၆)
6အရာတစ်ရက် သတင်းနိမာ ယေရှုစာ တရားဇရပ်တို့ ကြွရို့ သွန်သင်ပီးလီရေ။ ထိုတရားဇရပ်မာ ညာဖက်အလက် သောင်သူတစ်ယောက် ဟိလီရေ။ 7ဘာသာရေး ဂေါင်းဆောင်ရို့န ဖာရိရှဲအဖွဲ့သားရို့စာ ယေရှုကို အပြစ်တင်ဖို့ အခွင့် ရှာနီကတ်လီရေ။ ယင်းအတွက်န သတင်းနိမာ ယေရှု ရောဂါသေရို့ကို အကောင်း လုပ်လော မလုပ်လောဆိုစာကို သူရို့စာ ယေရှုကို အလှပ မျက်စိချရို့ ထားကတ်လီရေ။ 8ယေကေလည်း ယေရှုစာ သူရို့ စိတ်နှလုံးမာ စဉ်းစားချက်ကို သိလီရေ။ ယင်းအတွက်န သူစာ အလက်သောင်သူကို ပြောလီရေ၊ “အားကုံးသူ ရှိက လာရို့ ရပ်ခလိုက်။” ယင်းခါ သူစာ ထရို့ ရပ်လီရေ။ 9ယေရှုစာ သူရို့ကို ပြောလီရေ၊ “ကိုယ်ဘင်ရို့ကို ငါ စကားတစ်ခွန်း မီးမည်။ သတင်းနိမာ ကောင်းစာ အလုပ်ကို လုပ်ဖို့ သင့်ရေလော၊ မဟုတ်ကေ မကောင်းစာ အလုပ်ကို လုပ်ဖို့ သင့်ရေလော? အသက်ကို ကယ်ဆယ်ဖို့ သင့်ရေလော၊ မဟုတ်ကေ အသီသတ်ဖို့ သင့်ရေလော?” 10ယင်းနောက် ယေရှုစာ အားကုံးသူကို ဝန်းရို့-ယာရို့ ကြည့်ပြီးကေ အလက်သောင်သူကို ပြောလီရေ၊ “နင့်အလက်ကို ဆန့်။” သူစာ အလက်ကို ဆန့်ရေခါ ပကတိအကောင်း ဖြစ်လားခလီရေ။ 11ယင်းခါ ထိုဂေါင်းဆောင်ရို့စာ ကောင်းကောင်း မန်တက်ကတ်လီရေ အရာ ယေရှုကို ဇာ လုပ်ရဖို့လည်း ဆိုပြီးကေ ကိုယ်ရို့အချင်းချင်း တိုင်ဘင်ကတ်လီရေ။
Copyright information for
RmzSC