Luke 8:11-15
လယ်သမား ပုံဥပမာ အဓိပ္ပါယ်ကို ရှင်းပြခြင်း
(မဿဲ ၁၃:၁၈-၂၃၊ မာကု ၄:၁၃-၂၀)
11“ပုံဥပမာ အဓိပ္ပါယ်စာ ဒေပိုင်၊ မျိုးစိတိစာ ထာဝရဘုရား၏ စကားတော် ဖြစ်တေ။ 12လမ်းနားမာ ကျစာမျိုးစိတိစာ ထာဝရဘုရား၏ စကားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုစကားတော်ကို ကြားရို့အတိုင်းလည်း မာရ်နတ် လာရို့ သူရို့ စိတ်နှလုံးက စကားတော်ကို နုတ်ယူလားခရေ၊ အကြောင်းကား မာရ်နတ်စာ သူရို့ကို ကျုံခြင်းတရားကနီရို့ ကယ်တင်ခြင်းကို မရစီချင်။ 13“အရာ ကျောက်နရောစာမြေမာ ကျစာမျိုးစိတိစာ ထိုစကားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုစကားတော်ကို ကြားရေချက်ချင်း ဝမ်းသာရို့ လက်ခံကတ်တေ၊ ယေကေလည်း ထိုစကားတော်စာ သူရို့ စိတ်နှလုံးမာ အမြစ် အလှပ မထိုးနိုင်။ ယင်းအတွက်န သူရို့စာ တစ်ရက်နှစ်ရက်တောက်ရာ ကျုံကတ်တေ၊ ယေကေလည်း သူရို့စာ စုံစမ်းခြင်းကို ခံရရေခါ နောက်ဆုတ်လားခကတ်တေ။ 14“စူးခြုံတောမာ ကျစာမျိုးစိတိစာ ထိုစကားတော်ကို နားထောင်ကတ်စာ အခြားလူတစ်မျိုးနတူကတ်တေ။ သူရို့စာ ထိုစကားတော်ကို ကြားရို့အတိုင်းလည်း သူရို့မာ အိမ်ထောင်ရေး စဉ်းစားခြင်း၊ ပစ္စည်း-ဥစ္စာကို တွယ်တာခြင်း အရာ စဉ့်စိမ်ချမ်းသာခြင်းစာ သူရို့ကို ဖိထားရေ။ ယင်းအတွက်န သူရို့ ဘဝမာ ကောင်းစာ အသီးတိ မသီးနိုင်။ 15“မြေအကောင်းမာ ကျစာမျိုးစိတိစာ ထိုစကားတော်ကို နားထောင်ကတ်စာ အရာလည်း အခြားလူတစ်မျိုးနတူကတ်တေ။ သူရို့စာ ထိုစကားတော်ကို ကြားရေအတိုင်း ရိုးသားခြင်းန နုညံ့ခြင်းစိတ်ကို ထားရို့ နနောင်းတည်းထားကတ်တေ အရာ သူရို့စာ တတိုင်းမမြိုင်း နီထိုင်ရို့ ကောင်းစာအသီးကို သီးကတ်တေ။”
Copyright information for
RmzSC