Luk 8:22-25 | RmzSC | STEP | တစ်ရက်နိ ယေရှုစာ ကိုယ့်တပည့်ရို့ကို ယူရို့ လောင်းတစ်စင်းမာ တက်လီရေ။ အရာ သူစာ တပည့်ရို့ကို ပြောလီရေ၊ “လား၊ ငါရို့ မြစ်ကမ်းတစ်ဖက်တို့ ကူးကတ်မည်။” ယင်းခါ တပည့်ရို့စာ လောင်းကို ဖြီကတ်လီရေ။

Luke 8:22-25

လီမုန်တိုင်းကို တန့်စီခြင်း

(မဿဲ ၈:၂၃-၂၇၊ မာကု ၄:၃၅-၄၁)

22 တစ်ရက်နိ ယေရှုစာ ကိုယ့်တပည့်ရို့ကို ယူရို့ လောင်းတစ်စင်းမာ တက်လီရေ။ အရာ သူစာ တပည့်ရို့ကို ပြောလီရေ၊ “လား၊ ငါရို့ မြစ်ကမ်းတစ်ဖက်တို့ ကူးကတ်မည်။” ယင်းခါ တပည့်ရို့စာ လောင်းကို ဖြီကတ်လီရေ။ 23 သူရို့ လောင်းလှော်ရို့ လားစဉ် လားစဉ် ယေရှုစာ အိပ်မောကျလီရေ။ ယင်းအချိန်ခါ ဗြုန်းခနိုင်းပျင်ရို့ မြစ်မာ လီမုန်တိုင်း တိုက်လာလီရေ အရာ လောင်းမာ ရီပြည့်တက်လီရေ။ ယင်းခါ သူရို့စာ ကောင်းကောင်း ဖီးဒုက္ခမာ ကျကတ်လီရေ။ 24 သူရို့စာ ယေရှုအနားတို့ လားရို့ သူ့ကို နှိုးကတ်လီရေ၊ “အသျှင်၊ အသျှင်၊ အကျွန်ရို့ သီရပါဖို့ဗျာ!” ယင်းခါ ယေရှုစာ ထရို့ လီန ရီလှိုင်းလုံးကို ဟောက်လီရေ။ အရာ ချက်ချင်း လီန ရီလှိုင်းလုံးစာ တန့်လားခလီရေ အရာ ဟိသမျ အားကုံး ငြိမ်းလားခလီရေ။ 25 သူစာ တပည့်ရို့ကို ပြောလီရေ၊ “နင်ရို့မာ ကျုံခြင်းတရား ဇာမာလည်း?” တပည့်ရို့စာ ကြောက်ပြီးကေ အံ့ဩရို့ ကိုယ်ရို့အချင်းချင်း ပြောကတ်လီရေ၊ “ဒေလူ အသူလည်းဝေး? လီန ရီကိုတိုင်အောင်ပင် အာဏာချကေ သူ့စကားကို နားထောင်ကတ်တေကား!”