Luke 9:23-27
နင့်ကားတိုင်ကို ရွက်ရို့ ငါ့နောက်က လိုက်ရဖို့
(မဿဲ ၁၆:၂၄-၂၈၊ မာကု ၈:၃၄-၉:၁)
23ယင်းနောက် သူစာ အားကုံးသူကို ပြောလီရေ၊ “အသူမဆို ငါ့နောက်က လိုက်ချင်ရေဆိုကေ သူစာ ကိုယ့်ကို ငြင်းပယ်ရဖို့ အရာ သူစာ နိတိုင်း ကိုယ့်ကားတိုင်ကို ရွက်ရို့ ငါ့နောက်က လိုက်ရဖို့။ 24အရာ အသူမဆို ကိုယ့်အသက်ကို ကယ်ဆယ်ချင်ရေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ငါ့အကြောင်းန ကိုယ့်အသက်ကို အဆုံးခံရေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။ 25အသူမဆို တစ်လောကလုံးကို အနိုင်ရရို့ပင်လည်း ကိုယ့်မာ ထာဝရအသက်ကို ဆုံးရရေဆိုကေ ယင်းသူမာ ဇာအမြတ် ဟိရေလည်း? 26အသူမဆို ငါန ငါ့စကားကို ယူရို့ ရှက်တေဆိုကေ မနုသသားတော်လည်း ကိုယ့်ဘုန်းတန်ခိုး၊ အဖ၏ ဘုန်းတန်ခိုး အရာ သန့်ရှင်းစာ ဂေါင်းခင်နတ်သားရို့ ဘုန်းတန်ခိုးကို ဆောင်ရို့ ကြွလာရေခါ ယင်းသူကို ယူရို့ ရှက်လိမည်။ 27ငါ နင်ရို့ကို အမှန် ပြောရေ၊ ထာဝရဘုရား၏ နိုင်ငံတော်ကို မမြင်ရသကြား တစ်ခုပိုင်လည်း သီရဖို့ မဟုတ်စာ လူလိုင်းကေယောက် ဒေ နေရာမာ ဟိကတ်တေ။”
Copyright information for
RmzSC