Mark 1:14-20
ယေရှု သာသနာပြုဖို့ စခြင်း
(မဿဲ ၄:၁၂-၁၇၊ လုကာ ၅:၁-၁၁)
14ယောဟန် ထောင်ထဲတို့ ရောက်လားခပြီးရေနောက် ယေရှုစာ ဂါလိလဲပြည်နယ်တို့ ကြွလီရေ။ အရာ သူစာ ယင်းနေရာမာ ထာဝရဘုရား၏ သတင်းကောင်းကို ဒေပိုင် ဟောပြောလီရေ၊ 15“အချိန် ကျဗျာ၊ ထာဝရဘုရား၏ နိုင်ငံတော် အပါးမာ ရောက်နီဗျာ။ ကိုယ်ဘင်ရို့ အပြစ်က စိတ်လှည့်ရို့ လာကတ်ဖိ အရာ ဒေ သတင်းကောင်းကို ကျုံကတ်ဖိ။”ပထမ တပည့် ရွီးကောက်ခြင်း
(မဿဲ ၄:၁၇-၂၂၊ လုကာ ၅:၁-၁၁)
16တစ်ရက်နိ ယေရှုစာ ဂါလိလဲမြစ်ကမ်းနားအနှူး သျှောက်ရို့ ကြွလီရေ။ ယင်းခါ သူစာ ရှိမုန်န သူ့မာ ညီအန္ဒြေကို မြစ်မာ ပိုက်တန်းရို့ တွိလီရေ၊ အကြောင်းကား သူရို့ နှစ်ယောက်စာ ပိုက်သမား ဟိကတ်လီရေ။ 17ယေရှုစာ သူရို့ကို ပြောလီရေ၊ “ငါ့နောက်က လိုက်ကတ်။ ငါ နင်ရို့ကို လူဆွယ်သမား ပိုက်သေ လုပ်မည်။” 18ယင်းခါ ချက်ချင်း သူရို့စာ ပိုက်တိကို ထားဘိုက်ခရို့ ယေရှု နောက်က လိုက်ကတ်လီရေ။ 19ယင်းနောက် သူစာ ယင်းနေရာကနီရို့ အရာတစ်ဖဲ့ ရှိတို့ ကြွရေခါ ဇေဗေဒဲသား ယာကုပ်န ယောဟန် ညီအစ်ကို နှစ်ယောက်ကို တွိလီရေ။ ယင်းခါ သူရို့စာ လောင်းမာ ထိုင်ရို့ ပိုက်ကို အဆင်သင့် လုပ်ရို့ ဟိကတ်လီရေ။ 20ယေရှုစာ သူရို့ကို မြင်ရေချက်ချင်း ခေါ်လီရေ၊ အရာ သူရို့စာ ကိုယ်ရို့မာ အဖဇေဗေဒဲကို အငှားသားရို့နအတူ လောင်းမာ ထားဘိုက်ခရို့ ယေရှု နောက်က လိုက်ကတ်လီရေ။
Copyright information for
RmzSC