Mark 11:12-19
သဖန်းပင်ကို ကျိန်ဆဲထည့်ခြင်း
(မဿဲ ၂၁:၁၈-၁၉)
12နောက်တစ်ရက်နိ သူရို့စာ ဗေသနိရွာက ထွက်ရို့ ကြွကတ်တေခါ ယေရှုစာ အဝမ်းဆာလီရေ။ 13ယင်းခါ ယေရှုစာ အဝီးကပင် အရွက်အုပ်ရို့ဟိစာ သဖန်းပင်တစ်ပင်ကို မြင်ရလီရေ။ ယင်းအတွက်န သူစာ ထိုအပင်မာ အသီး ဟိရေလော ဟို့ အပင်အနားတို့ လားရို့ ကြည့်လီရေ။ ယေကေလည်း အသီးသီးချိန် မတိုင်သိရေအတွက်န အရွက်ကို ပယ်ရို့ အသီးတစ်လုံးလည်း မမြင်ရလီ။ 14ယင်းအတွက်န ယေရှုစာ ထိုအပင်ကို ကြည့်ရို့၊ “နင့်အသီးကို ဒေဂုကပင် တစ်ခါလည်း တစ်ယောက်လည်း မစားရစီကေ့” ဟို့ ကျိန်ဆဲထည့်လီရေ။ တပည့်ရို့စာ ယေရှု ကျိန်ဆဲထည့်စာ စကားကို ကြားရကတ်လီရေ။ငါ့အိမ်စာ ဆုတောင်းစာ အိမ် ဖြစ်ရဖို့
(မဿဲ ၂၁:၁၂-၁၇၊ လုကာ ၁၉:၄၅-၄၈၊ ယောဟန် ၂:၁၃-၂၂)
15ယင်းနောက် ယေရှုစာ ယေရုရှလင်မြို့တို့ ရောက်တေခါ ဝိပဿနာကျောင်းတို့ ဝင်လီရေ။ ယင်းခါ သူစာ ဝိပဿနာကျောင်းထဲမာ အရောင်းအဝယ်လုပ်နီသူ တစ်ယောက်မကျန်ကို နှင်ထုတ်လိုက်လီရေ။ အရာ သူစာ တန်းကား ဖနီသူရို့ ခုံတိန ခေါ် ရောင်းနီသူရို့ ထိုင်ကတ်စာ ခုံတိကို ပြန်ဘိုက်လိုက်လီရေ။ 16သူစာ ဝိပဿနာကျောင်းတလင်းကနီရို့ အရောင်းအဝယ်လုပ်စာ ဝန်တိကို ယူလားဖို့ မပီးလီ။ 17ယင်းနောက် သူစာ ထိုလူရို့ကို ပြောလီရေ၊ “‘ငါ့အိမ်စာ ဟိသမျ လူမျိုးရို့ ဆုတောင်းစာအိမ် ဖြစ်ရဖို့’ ဟို့ ကျမ်းစာမာ ရွီးရို့ ဟိရေ မဟုတ်လော? ယေကေလည်း နင်ရို့စာ ထာဝရဘုရား၏ အိမ်ကို ဒါးမြအိမ်ပိုင် လုပ်နီကတ်တေ!” 18 ယဇ်ပုရောဟိတ်အကြီးရို့န ကျမ်းဆရာရို့စာ ထိုစကားကို ကြားရို့ ယေရှုကို အသီသတ်ဖို့ နည်းလမ်း ရှာကတ်လီရေ။ ယေကေလည်း သူရို့စာ ယေရှုကို ကြောက်ကတ်လီရေ၊ အကြောင်းကား လူရို့စာ ယေရှု၏ သွန်သင်ချက်ကို ကြားရို့ အံ့ဩလီကတ်တေ။ 19နီဝင်လာရေခါ သူစာ တပည့်ရို့နအတူ မြို့ပြင်တို့ ထွက်လားခလီရေ။
Copyright information for
RmzSC