Mark 12:13-17
ဖန်ဒါပီးဖို့စာ အကြောင်း
(မဿဲ ၂၂:၁၅-၂၂၊ လုကာ ၂၀:၂၀-၂၆)
13ယင်းနောက် ဘာသာရေး ဂေါင်းဆောင်ရို့စာ ယေရှုကို အမှားဖမ်းဖို့အတွက် ဖာရိရှဲအဖွဲ့သား လိုင်းကေယောက်န ဟေရုဒ်မင်း တပည့် လိုင်းကေယောက်ကို ရွှတ်လိုက်ကတ်လီရေ။ 14သူရို့စာ ယေရှုတို့ လာရို့ ပြောကတ်လီရေ၊ “ဆရာ၊ ကိုယ်ဘင် သူတော်ကောင်း တစ်ယောက် ဖြစ်တေဆိုစာကို အကျွန်ရို့ သိပါရေ။ လူရို့ ကိုယ်ဘင် အကြောင်းကို ယူရို့ ဇာ ပြောရေ မပြောဆိုစာကို ကိုယ်ဘင် ဂရုမစိုက်ပါ၊ အကြောင်းကား ကိုယ်ဘင် လူမျက်နှာကို ကြည့်ရို့ တရားမစစ်ပါ။ မှန်ကန်စာနည်းန ထာဝရဘုရား၏ တရားတော်ကို ကိုယ်ဘင် သွန်သင်ပီးနီပါရေ။ ဒေဂု ကိုယ်ဘင် အကျွန်ရို့ကို ပြောပါ၊ မောရှေ၏ ပညှတ်တရားအတိုင်း ရောမဧကရာဇ်မင်းကို ဖန်ဒါပီးဖို့ သင့်ပါရေလော? 15အကျွန်ရို့ သူ့ကို ဖန်ဒါပီးပါဖို့လော မပီးပါလော?” ယေရှုစာ သူရို့ အလိမ်ကို သိရို့ ပြောလီရေ၊ “ကိုယ်ဘင်ရို့ ငါ့ကို ဇာဖို့ စုံစမ်းကတ်စာလည်း? ငါ့ကို ငွေသားတန်းကား တစ်ချပ် ပြခလိုက်။” 16သူရို့ ငွေသားတန်းကား တစ်ချပ် ယူလာရေခါ ယေရှုစာ သူရို့ကို မီးလီရေ၊ “ဒေ တန်းကားမာ အသူ့ ရုပ်ပုံန အသူ့နာမည် ဟိရေလည်း?” သူရို့စာ အဖြေပီးကတ်လီရေ၊ “ရောမဧကရာဇ်မင်း ရုပ်ပုံန ရောမဧကရာဇ်မင်း နာမည် ဟိပါရေ။” 17ယေရှုစာ သူရို့ကို ပြောလီရေ၊ “ရောမဧကရာဇ်မင်းန ဆိုင်စာကို ရောမဧကရာဇ်မင်းကို ပီးကတ် အရာ ထာဝရဘုရားန ဆိုင်စာကို ထာဝရဘုရားကို ပီးကတ်။” ယေရှု စကားကို ကြားရို့ သူရို့စာ အံ့ဩကတ်လီရေ။
Copyright information for
RmzSC