Mark 13:9-13
9“နင်ရို့ သတိထားကတ်။ လူရို့စာ နင်ရို့ကို ဖမ်းရို့ တရားယုံးမာ အပ်ကတ်လိမည်၊ အရာ သူရို့စာ ကိုယ်ရို့ တရားဇရပ်တို့ ယူလားရို့ နင်ရို့ကို ကြိမ်ဒါဏ် ပီးကတ်လိမည်။ နင်ရို့ ငါ့အကြောင်းန အုပ်ချုပ်သူရို့န မင်းရို့ ရှိက ရပ်ဖို့ ကျကတ်လိမည်။ ယင်းခါ နင်ရို့စာ သူရို့ ရှိက ငါ့အကြောင်းကို သက်သီပီးဖို့ ကျကတ်လိမည်။ 10ပထမဆုံး ဟိသမျ လူမျိုးရို့ဘားမာ သတင်းကောင်းကို ဟောပြောရလိမည်။ 11ယေကေလည်း လူရို့စာ နင်ရို့ကို တရားစစ်ဆေးဖို့အတွက် ဖမ်းယူလားရေခါ နင်ရို့ ဇာ ပြောရဖို့လည်းဆိုစာကို မစဉ်းစားလီကတ်ကေ့။ ယင်းချိန်မာ နင်ရို့ စိတ်မာ တွက်ရစာ စကားတိကို နင်ရို့ ပြောလီကတ်၊ အကြောင်းကား နင်ရို့ ပြောဖို့စာ စကားတိစာ နင်ရို့ အလိုအတိုင်း ပြောဖို့စာ မဟုတ်၊ ယေကေလည်း သန့်ရှင်းသောဝိညာဉ်တော် ကိုယ်တိုင် ပြောဖို့စာ ဖြစ်တေ။ 12“ယင်းခါ ညီအစ်ကိုချင်း တစ်ယောက်ကို တစ်ယောက် သတ်ဖို့အတွက် ဖမ်းပီးကတ်လိမည်၊ အရာ အဖလည်း ကိုယ့်သားကို သတ်ဖို့အတွက် ဖမ်းပီးလိမည်။ သားသမီးရို့စာ အမိအဖကို ရန်ဖက်ပြုရို့ အသီသတ်စီကတ်လိမည်။ 13အရာ နင်ရို့ ငါ့တပည့် ဖြစ်ကတ်တေအတွက်န ဟိသမျ လူမျိုးရို့စာ နင်ရို့ကို မုန်းကတ်လိမည်၊ ယေကေလည်း အဆုံးတိုင်အောင် တတိုင်းမမြိုင်းနီသူစာ ကယ်တင်ခြင်းကို ရလိမည်။
Copyright information for
RmzSC