Mar 14:22-26 | RmzSC | STEP | သူရို့ စားသောက်ကတ်တေခါ ယေရှုစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ အရာ သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ယော၊ ယူကတ်၊ ဒေ ပေါင်မုန့် ငါ့အသား ဖြစ်တေ။”

Mark 14:22-26

အသျှင်၏ ပွဲတော်မင်္ဂလာ

(မဿဲ ၂၆:၂၆-၃၀၊ လုကာ ၂၂:၁၄-၂၀၊ ၁ကောရိန္သု ၁၁:၂၃-၂၅)

22 သူရို့ စားသောက်ကတ်တေခါ ယေရှုစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ အရာ သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ယော၊ ယူကတ်၊ ဒေ ပေါင်မုန့် ငါ့အသား ဖြစ်တေ။” 23 ယင်းနောက် သူစာ စပျစ်ရည် ခွက်ကို ယူရို့ ထာဝရဘုရားကို ကျေးဇူးတင်လီရေ အရာ တပည့်ရို့ကို ပီးလီရေ။ သူရို့ အားကုံးသူ ထိုခွက်က စပျစ်ရည်ကို သောက်ကတ်လီရေ။ 24 ယင်းခါ ယေရှုစာ သူရို့ကို ပြောလီရေ၊ “ဒေ စပျစ်ရည်စာ ငါ့သွီး ဖြစ်တေ။ လူအများကြီးအတွက် ငါ့မာ ဒေ သွီးကို သွန်းလောင်းပီးဖို့။ လူရို့အတွက် ငါ့မာ ဒေ သွီးန ထာဝရဘုရား၏ စာချုပ်အသစ်ကို ထိုးရေ။ 25 ငါ နင်ရို့ကို အမှန် ပြောရေ၊ ထာဝရဘုရား၏ နိုင်ငံတော်မာ ငါ စပျစ်ရည်အသစ်ကို မသောက်သကြား ငါ အရာတစ်ခါလည်း စပျစ်ရည် မသောက်ပျာ။” 26 ယင်းနောက် သူရို့စာ တေခြင်းတစ်ပုဒ် ဆိုပြီးကေ မြို့က ထွက်ရို့ သံလွင်တောင်တို့ တက်ကတ်လီရေ။