Mark 15:1-5
ယေရှုကို အုပ်ချုပ်သူကြီးပိလတ် စစ်ဆေးခြင်း
(မဿဲ ၂၇:၁-၂၊ ၁၁-၂၆၊ လုကာ ၂၃:၁-၅၊ ယောဟန် ၁၈:၂၈-၁၉:၁၆)
1 ယဇ်ပုရောဟိတ်အကြီးရို့စာ မိုးသောက်စောစောက ဂေါင်းဆောင်ဝါကြီးရို့၊ ကျမ်းဆရာရို့ အရာ ဟိသမျ မဟာတိုင်ဘင်အဖွဲ့သားရို့နအတူ တိုင်ဘင်ကတ်လီရေ။ ယင်းနောက် သူရို့စာ ယေရှုကို ချိုင်ယူလားရို့ ရောမအုပ်ချုပ်သူကြီးပိလတ်ဘားမာ တင်အပ်ကတ်လီရေ။ 2ယင်းခါ အုပ်ချုပ်သူကြီးပိလတ်စာ ယေရှုကို မီးလီရေ၊ “နင် ယုဒလူမျိုးရို့မာ မင်းလော?” ယေရှုစာ အဖြေပီးလီရေ၊ “ကိုယ်ဘင် ပြောစာစကား မှန်ရေ။” 3ယဇ်ပုရောဟိတ်အကြီးရို့စာ ယေရှုကို အများကြီး အပြစ်တင်ကတ်လီရေ။ 4ယင်းခါ ပိလတ်စာ အရာတစ်ပြန် ယေရှုကို မီးလီရေ၊ “နင် အဖြေမပီးလော? ကြည့်၊ ဒေသူရို့ နင့်ကို ဇာလှောက် အပြစ်တင်ကတ်တေလည်း!” 5ယေကေလည်း ယေရှုစာ အဖြေမပီးဘိုင်းန တိန်းရို့ နီလီရေ။ ယင်းသျှင့်ကို မြင်ရို့ ပိလတ်စာ အံ့ဩလီရေ။
Copyright information for
RmzSC