Mark 15:33-41
ယေရှု ကားတိုင်ထက်မာ အသက်စွန့်ခြင်း
(မဿဲ ၂၇:၄၅-၅၆၊ လုကာ ၂၃:၄၄-၄၉၊ ယောဟန် ၁၉:၂၈-၃၇)
33ယင်းနောက် မွန်းတည့် တစ်ဆယ့်နှစ်နာရီကပင် နီကျသုံးနာရီတိုင်အောင် တစ်ပြည်လုံး မှိုင်းလားခလီရေ။ 34သုံးနာရီအချိန်မာ ယေရှုစာ အားန အော်ရို့ ပြောလီရေ၊ “ဧလိ၊ ဧလိ၊ လာမာ ရှာဗခသာနိ?” ယင်းအဓိပ္ပါယ်ကား၊ “အကျွန့် ထာဝရဘုရား၊ အကျွန့် ထာဝရဘုရား၊ ကိုယ်တော် ဇာဖို့ အကျွန့်ကို စွန့်ဘိုက်ခပါစာလည်း?” 35ကားတိုင်အနားမာ ရပ်ရို့ ဟိလီသူရို့အထဲက လိုင်းကေယောက် ထိုစကားကို ကြားရို့ ပြောကတ်လီရေ၊ “နားထောင်ကတ်၊ နားထောင်ကတ်၊ ယင်းသူ ဘုရားသတင်းပို့သူ ဧလိယကို ခေါ်နီရေ။” 36ယင်းခါ လူတစ်ယောက် ဗြီးလားရို့ ဖေါ့ကို ပုံးရည်မာ နှစ်လီရေ အရာ ယင်းဖေါ့ကို ဒုတ်ပိုင်းမာ ချိုင်ရို့ ယေရှုပစမာ တို့လီရေ။ သူစာ ပြောလီရေ၊ “ဟိပတ်စီ၊ ဒေသူကို ကားတိုင်က ချယူဖို့အတွက် ဘုရားသတင်းပို့သူ ဧလိယ လာမည်လော ကြည့်မည်။” 37ယင်းနောက် ယေရှုစာ အားန အော်ရို့ အသက်စွန့်လီရေ။ 38ယင်းခါ ဝိပဿနာကျောင်းမာ ကာထားစာ ရန်ကာစာ အထက်ကပင် အောက်တို့တိုင်အောင် စုတ်လားခလီရေ။ 39ကားတိုင်အနားမာ ရပ်ရို့ ဟိလီစာ စစ်သရွဲတစ်ရာကိုပိုင်စာ စစ်ဗိုလ်စာ ယေရှု အသက်စွန့်စာကို မြင်ရို့ ပြောလီရေ၊ “ဒေသူ အမှန် ထာဝရဘုရား၏ သားတော် ဟိလီရေ။” 40ယင်းခါ မိန်းမ လိုင်းကေယောက် အဝီးက ရပ်ရို့ ကြည့်နီကတ်လီရေ။ သူရို့အထဲမာ မာဂဒလမြို့သမ မာရိ၊ ယာကုပ်သျှေန ယောသေအမိ မာရိ အရာ ရှာလုံလည်း ဟိလီရေ။ 41ယေရှု ဂါလိလဲပြည်နယ်မာ ဟိလီရေခါ ထိုမိန်းမရို့စာ ယေရှု ကြွစာ နေရာတိုင်းမာ သူနအတူ ပါလီကတ်တေ အရာ ယေရှုကို ကျွေးမွေးပြုဇုလီကတ်တေ။ သူရို့ကို ပယ်ရို့ ယင်းနေရာမာ အရာလည်း မိန်းမ အများကြီး ဟိကတ်လီရေ။ သူရို့စာ ယေရှုနအတူ ယေရုရှလင်မြို့တို့ ရောက်လာလီကတ်တေ။
Copyright information for
RmzSC