Mar 2:13-17 | RmzSC | STEP | ယင်းနောက် ယေရှု အရာတစ်ပြန် ဂါလိလဲမြစ်ကမ်းနားတို့ ကြွလီရေ။ ယင်းခါ လူအများကြီး ယေရှုတို့ လာကတ်လီရေ အရာ သူစာ ထိုလူရို့ကို သွန်သင်ပီးလီရေ။

Mark 2:13-17

ဖန်ဒါကောက်သမား လေဝိကို ခေါ်ခြင်း

(မဿဲ ၉:၉-၁၃၊ လုကာ ၅:၂၇-၃၂)

13 ယင်းနောက် ယေရှု အရာတစ်ပြန် ဂါလိလဲမြစ်ကမ်းနားတို့ ကြွလီရေ။ ယင်းခါ လူအများကြီး ယေရှုတို့ လာကတ်လီရေ အရာ သူစာ ထိုလူရို့ကို သွန်သင်ပီးလီရေ။ 14 ယင်းနောက် သူစာ လမ်းမာ ကြွရေခါ အာလဖဲသား လေဝိကို ဖန်ဒါကောက်စာ ယုံးမာ ထိုင်ရို့ မြင်လီရေ။ ယင်းခါ သူစာ လေဝိကို၊ “လာ၊ ငါ့နောက်က လိုက်” ဟို့ ခေါ်လီရေ။ ယင်းခါ သူစာ ထရို့ ယေရှု နောက်က လိုက်လားခလီရေ။

15 ယင်းနောက် ယေရှုစာ ကိုယ့်တပည့်ရို့နအတူ လေဝိအိမ်မာ စားသောက်ဖို့ ထိုင်လီရေ။ ယင်းနေရာမာ ဖန်ဒါကောက်သမားရို့န လူဆိုးရို့လည်း အများကြီး ဟိကတ်လီရေ၊ အကြောင်းကား လူအများကြီး ယေရှု နောက်က လိုက်နီကတ်လီရေ။ 16 ဖာရိရှဲအဖွဲ့က ကျမ်းဆရာရို့စာ ယေရှုကို ဖန်ဒါကောက်သမားရို့န အရာ လူဆိုးရို့နအတူ ထိုင်ရို့ စားသောက်စာကို မြင်လီရေ။ ယင်းခါ သူရို့စာ ယေရှု တပည့်ရို့ကို ပြောလီရေ၊ “နင်ရို့မာ ဆရာ ဖန်ဒါကောက်သမားရို့န အရာ လူဆိုးရို့နအတူ ထိုင်ရို့ ဇာဖို့ စားသောက်စာလည်း?” 17 ထိုစကားကို ကြားရို့ ယေရှုစာ ကျမ်းဆရာရို့ကို ပြောလီရေ၊ “ကျန်းမာသူရို့အတွက် ဆီးဆရာကို အလိုမဟိ၊ ယေကေလည်း မကျန်းမာသူရို့အတွက်ရာ ဆီးဆရာကို အလိုဟိရေ။ ငါ သူတော်ကောင်းရို့ကို ခေါ်ဖို့ လာစာ မဟုတ်၊ ယေကေလည်း ငါ လူဆိုးရို့ကို ခေါ်ဖို့ လာစာ ဖြစ်တေ။”